話說今日筆者係利物浦一take pass Life in the UK Test，考試比想像中簡單，亦完成左本身係虎年想考完呢個試既agenda，係度想勉勵其他香港人查實唔使太驚呢個試，只需做足準備就得，究竟係d乜?! 賣個關子先。
首先講講點解考呢個試: 1. 近期聽到移民政策未來可能有變 2. Life in the UK Test 係申請英國永居既必要條件 3. Life in the UK Test本身未來有機會改其他模式考你 4. 個試其實叫做相對簡單，對比其他國家要申請永居所需要考既試黎講 5. 個試終身有效，快d考費時煩 6. 本身讀書唔太叻，趁候生記憶力好快d考
至於英國BNO Visa申請永居，其實有兩樣野要完成。第一，就係英文試程度達B1，咁早前已經同大家分享左如果讀者係香港係讀左大學既話，基本上好多大學都會肯幫你出封信證明你符合英文水平既資格，假設係你肯比錢以及你返大學既時候你係英語授課既話。
詳細可以睇返呢度: [#97 BNO Visa - 英國入藉唔想考B1英文試?! ECCTIS幫到你做學歷認證+英文認證，係香港完成學士課程及課水就得?] https://lovfang.wixsite.com/ukmrpr/post/97-bno-visa-%E8%8B%B1%E5%9C%8B%E5%85%A5%E8%97%89%E5%94%94%E6%83%B3%E8%80%83b1%E8%8B%B1%E6%96%87%E8%A9%A6-ecctis%E5%B9%AB%E5%88%B0%E4%BD%A0%E5%81%9A%E5%AD%B8%E6%AD%B7%E8%AA%8D%E8%AD%89-%E8%8B%B1%E6%96%87%E8%AA%8D%E8%AD%89%EF%BC%8C%E4%BF%82%E9%A6%99%E6%B8%AF%E5%AE%8C%E6%88%90%E5%AD%B8%E5%A3%AB%E8%AA%B2%E7%A8%8B%E5%8F%8A%E8%AA%B2%E6%B0%B4%E5%B0%B1%E5%BE%97
咁第二，就係呢壇Life in the UK Test，其餘既就係你要呢6年內奉公守法，咁我相信呢方面大家都好容易做到。就有關Life in the UK Test，不如一齊黎睇睇下面既應試需知先。
[幾時報架?] 我查實係1月15號先至報呢個試，今日1 月18日就考完。點解咁快報? 係因為自己做past paper做到咁上下覺得都已經幾熟悉本書同埋試題，於是乎就膽粗粗報埋想係虎年搞掂埋呢壇野。
[最快考期] 正常比50鎊就可以book未來3日之後既期，但我book既時候見曼城都幾full，最快都要2月先有位，又咁岩利物浦有個位，小弟住warrington過去都不太遠，就揀左利物浦考。但其實你係可以比65鎊揀未來3日之內既期。我諗可能係比一d，比較心急或者肥左既人趁記憶仲係度可以快d補考返。
[考試費用] 50鎊，普通期3日之後既日子 / 65鎊，快期可以揀未來3日之內既日子
[咩人唔使考] 18歲以下或65歲以上人士可以豁免。
[book既時候要填乜，去邊book?] 去呢個網站book: https://www.lituktestbooking.co.uk/lituk-web/ 係網站度要入你護照既資料，入你住所既postcode搵最近既考場，網上比埋錢。
[要帶乜去?流程係點?] 網站話要帶你登記用既證件(如果你用bno入資料就要帶埋bno / 同理用特區就帶返特區 / 千祈唔好用bno入資料登記但帶左特區 ) 及口罩，其餘事物如果你帶左都會比你放係locker入面。
我去到現場，的確係乜都唔比帶入電腦房，職員會要求你將袋同埋外套放入locker，手機熄機以及你戴緊既錶都要放入locker。基本上你只係會手持證件同埋鎖左locker既鎖匙，現場滿佈cctv，make sure你無得作弊。然後你要企係度，職員會好似機場保安咁掃你全身，make sure你無帶其他野。
然後呢位職員會叫你入房，有另一位職員同你對名、出生日期、考試目的，答完之後會叫你望住相機，佢會幫你影張大頭相，make sure同證件上面係同一個人，杜絕請槍。
搞掂哂後佢會帶你入電腦房，入到電腦房，有位職員會再問你名、出生日期，然後安排一部電腦比你作答。
[考試形式] 坐係一部電腦前面限時45分鐘做24條mc題，岩75%就得，即係18題，先會有4條warm up問題答岩答錯都唔會扣分，然後就開始倒數計時同埋可以答問題，搞掂按 “end test”就得。
[結果] 完左之後離開電腦房，入返岩岩影大頭相間房，個職員會親口同你講你 pass or not pass。佢亦會話個result會10分鐘內upload去你book life in the uk test 個網站你個戶口度。實測我離開試場後大概15分鐘就睇到結果了，入面會有個URN – unique reference number，係你將來申請永居或者入藉份表格度需要用到既編號黎。
[現場有咩人?] 印度人 / 歐洲人士 / 黑人 / 華人，總共8-10人。
[用左幾多時間溫書就考試?] 筆者用左大概50小時投入呢個考試度，首先係睇本書一次，然後就操試題exam 1-16，反覆做4-5次，然後再做Test 1-20，反覆2次，期間遇到有趣問題或歷史，都會睇多一次本書，睇下當中個故仔係點。[本書指電子書，Patreon朋友請到呢度下載: https://www.patreon.com/posts/77426702?pr=true]
*** [最有用資訊、最有用資訊、最有用資訊] 筆者10分鐘就做哂24條，有人可能問點解可以咁快既?! 因為我搵到個可以做past paper既網站，佢最正既地方係，好多問題同答案都同正式既test一樣，但要留意佢問既方式可能有小小唔同。如果大家有用個網站，又pass左既，不妨捐助起網站既人，我都捐左小小以表心意。 https://lifeintheuktestweb.co.uk/exams-1-12/
[考試後感] 其實睇左本書又溫左，真係覺得熟悉左英國好多，基本上由1066年William I入侵英國開始去到middle ages，再去到house of lancaster對戰house of york，再去到維多利亞時代以至近代史都了解多左英國一千年以黎既轉變，包括英國點樣由帝制去左共和國再去到有國會再去到君主立憲。呢個test唔係考完就算既野黎，而係真心有野學到既test黎。
祝各位考試順利! [駕駛學院聲線mode]
影像聲音導航:
*** Monese開戶即送20鎊？！仲有得折讓買gift card?! Referral code: KAF690 開戶 https://monese.com/gb/en
*** Linktree: https://linktr.ee/ukmrpr Youtube: https://youtube.com/@ukmrpr