[#375 Fuse Energy 其實岩d咩人轉?]

Sep 12

5 min read

先多謝大家過往兩日認同筆者對今個冬天英國既能源情況以及因應國際局勢英國電煤價格走勢既分析，見到有唔少讀者係受夠Octopus 而家座大，越收越貴既離譜情況，而選擇轉過去Fuse慳錢抗通脹。

今日就針對讀者遇到既疑問整左個FAQ，等大家一目了然，清楚知道自己係咪應該轉。如果轉左，又大概慳到幾多錢。

---------

國際局勢及價格預測:

1. Ofgem 批淮今年 10 月price cap +4% ，能源供應商氣價 +9%，主要因為英國缺乏儲液態天然氣 (LNG) 既設施，但基建同碼頭可以比 (LNG)大型船隻泊既設施就好全面，加上工黨政府禁左北海油田採集，又無去探索新油田，所以85%英國家庭既氣價就非常依賴國際價格，而中間buffer既空間係好少 (因為好少儲氣設施)。換言之，英國係唔驚斷電或者無暖氣，因為可以同美國買，d船又泊到埋黎，但價格就居高不下硬食。

2. 侵侵目前只能夠不停轟炸伊朗，黎防範佢地趁美國中期選舉搞搞陣，但實情係美國掌握唔到哈梅內衣個仔以及零散最高層係邊，所以只能將目前既時間放係對付加拿大強大貿易逆差既問題，否則侵侵一早隊冧晒班蛋散。好消息係伊朗已經無正規軍，只能發射導彈攻擊中東既美國代理人基地。霍爾木滋海峽雖然目前已清哂水雷，但始終有伊朗既游擊隊，依靠大型船隻既能源輸送依然係緩慢，而且有亞洲買手搶LNG，因此國際氣價居高不下。

3. 侵侵11月中期選舉、12月美國聖誕節，2027年2 – 4 月公司業績期係比親信及盟友炒股票賺全年錢，估計係要去到5 – 6 月先可以平定戰事。推論2027年1月Ofgem 會再批淮加price cap 4%，以及氣價unit rate 再 + 9%。

-------------

Fuse 用家氣價目前 fixed 情況:

1. 氣價standing charge 10p ，對比Octopus 既29p，係1 / 3 價錢。Unit rate 方面，7.5p，對比Octopus tracker plan 既8.5p，平左超過10%。

2. 平左超過10%只係講緊目前價錢，如果戰況不變，10月開始就會係平19%，1月開始平28%，接近3成氣費節省。(Octopus tracker 預計 10月+9% / 1月再+9%。 )

3. 單人自己住以及小家庭用量低既朋友，最適宜轉去Fuse既fixed plan ，可以揀唔同長度既合約，但通常係24個月既合約最平。原因係低用量用家既standing charge會佔左整體用電量較高既百分比，轉去Fuse係即時將standing charge減去2 / 3，慳唔少!!

4. 高用量用家想整到屋企暖一暖，亦都非常適宜轉去Fuse，因為每度氣價講緊10月開始慳2成、1月開始慳3成，係好大既分別黎。估計tracker 會由而家8.5p 加到超過9p ，甚至10p

。

5. 只係將氣轉去Fuse，9月17日前入code : “MYLLEN97031” ，都可以獲得100鎊轉會獎勵。唔同長度既合約其實影響不大，筆者建議揀最長以及最平既合約，事關去到出年5 – 6 月，氣價有機會因為戰事平定而有所改變，但到時我地已經可以重新掌握主導權，因為Octopus Tracker plan 轉走有9個月冷河期，如果到時Octopus咁好死大幅減價，100鎊轉會獎勵係可以cover到Fuse 合約轉走既50鎊exit fee。

簡單講，唔會蝕，最起碼你仲有50鎊獎勵係袋，而且你有主導權，唔使硬食冬天Octopus加你價捱貴價氣價，以及唔使等到冬天先fixed plan，因為冬天先join有機會fixed plan會因應price cap 以及unit rate 調升而加價。

6. 過去幾年，Octopus氣價只有加價既紀錄，沒有減價既紀錄，因此上述所述情況會減價既機率亦都係偏低。而且英國5 – 6 月一般唔使再開暖氣，各位只係需要boiler煲熱水沖涼，係有限數，唔會點蝕。

================================

Octopus 用家電價情況:

1. 如果你係agile / ev電車 / 有solar panel + 電池有實力用家，Octopus依然係offer緊比較平既電費plan 以及公平既賣電比電網既收益，建議大家可以觀望，先將氣轉去Fuse，如果Octopus冬天大幅加電價先轉埋電。

---------

Fuse Energy 客服及app使用情況:

1. 首先佢個AI 答野已經好精準好詳細，就算有問題，佢會彈比客服，客服都係有禮反應快答得仔細既，同Octopus一樣咁好。

2. App簡潔易明，亦係方便使用。

=========

Fuse Energy 背景:

1. 非中資背景以及完全無某國資金。資金背景方面主要係西方頂級風險投資機構及科技專注基金鼎力支持，包括 Lowercarbon Capital、Balderton Capital、20VC、Collaborative Fund、Lakestar、Accel，以及由 Revolut 創辦人 Nik Storonsky 成立的 QuantumLight。

2. 創辦人係前金融科技公司 Revolut 核心高層 Alan Chang (香港人) 及 Charles Orr (英國人) 於 2022 年共同創立。

3. 目前公司估值: 50億美金，係獨角獸公司，唔係以前Tomato Energy個一類蚊型公司 (已破產) 或者而家另一間Home Energy可以媲美，Fuse係穩健好多，以及開始賺錢。

其他疑問:

1. Fuse Energy Fixed Plan 價格已包5% VAT，唔需要再自己計數。

2. Fuse Energy Direct Debit 唔會預先係你戶口扣數，係跟你實際用量黎扣數。

3. 部分讀者由於過往幾年係老公 / 老婆比能源帳戶錢，自己登記戶口有機會需要預繳400鎊，但之後可以申請credit refund入返你戶口。

4. 慳錢實際金額:

1人 – 幾十鎊至百幾鎊 (低用量)

2至3人細家庭 – 百幾鎊至二百鎊 (低用量)

2至3人細家庭 – 二百幾鎊至三百幾鎊 (高用量) (請考慮埋加價後情況)

3至4人家庭 – 二百鎊至三百幾鎊 (低用量)

3至4人家庭 – 三百幾鎊至五百鎊 (高用量) (請考慮埋加價後情況)