top of page
Search

[#16 Manchester Job Fair 有D乜?! 奧脫福球場堅係正? ]

岑日岩岩去完Manchester既Job fair新鮮滾熱辣, 係正奧脫福球場個club既3樓，現場望出去真係好正，係可以睇哂成個紅魔鬼主場，因為自己唔係睇開波既，但都覺得呢度好有吸引力，唔怪得咁多人支持曼聯同埋勁靚仔既Beckham同C朗。


返返黎呢個job fair，繼我黎英國個班機之後，呢度係我第一次見到咁多香港人，睇黎每個香港人都好關心生計同埋呢度點搵食，就現場所見，大部分工作都係前線請人，例如有餐廳TFI Friday同老麥、有類似香港馬會既賭博公司Admiral，亦有物流公司Hermes請司機運貨等等，呢度surprise既係亦有政府請軍人，又有NHS既booth招攬黎呢度見工既人去sign up捐血。


現場既工大部份都係比個QR code 你網上申請，現場最多係遞個cv比佢等佢記得你，而我諗我地係最囑目，因為肥蕎仔都有去，其他人黎搵工都無帶bb，但現場既HR不單止無歧視，仲好歡迎，聽Vivian既朋友雞兄講，佢英國公司係有一個小小既nursery地方，比公司既員工返工既時候放低個小朋友，不單止可以同其他小朋友聯誼，亦係一個安全既地方比佢地去玩同學習，有時星期六日放假佢都可以帶個小朋友返去個度，as long as 佢係有開，所以為好多家長帶來方便，超級人性化。我諗返起我舊時係香港做野間跨國企業都有好多高層帶好多小朋友返去，我都相信個文化係咁黎。


黎呢度我諗最開心係肥蕎仔，因為每一個booth我地都有埋去研究下，而HR姐姐都有比糖糖肥蕎仔食，平時既佢黎呢D地方係會勁嘈，但佢呢日係好靜，不停品嚐唔同既糖果，簡直係糖果放題! 我地都一睹左奧脫福球場既真面目，現場曼聯clubhouse 都有招攬前線人員，Vivian亦都好有興趣同apply左，希望快d有面試機會。


其他booth就有好多唔同既souvenir送比黎搵工既人，與其話呢個係大型job fair，我會話呢個係小小型既各公司既品牌推廣會似d，要搵臨時工作做住先既，去呢d job fair都幾好，但如果話想做返自己專屬既某d行業，都係上網搵返recruitment agency幫你會好好多。









 
 
 

Comments

bottom of page