[#165 英國買屋個個都cashbuy唔通個個都想cash buy咩?!]

早兩日筆者係patreon同呢度先後講左英國目前按揭利率貴到嚇死人，講緊6厘幾! Buy to let 更加唔使講，仲高，借貸成本高到暈左。

好多local都苦不堪言，有d出左社會做野7-8年既候生仔甚至要搬返屋企同屋企人住，賣左間屋佢。個case講緊本身佢供緊600鎊一個月… 2厘息左右… 而家6厘息變左3倍要1800鎊……

好多香港人都好有實力，唔介意用cash買左先，等減左息先再做remortgage。但都要注意如果現金買，無經銀行始終唔知間屋本身有無潛在問題做唔做到按揭，所以始終都要小心會穩陣d。

另外，今個post都想講一講如果現金買屋有乜野風險要注意。(筆者實戰睇樓經驗或朋友經驗分享所得)

1. 買望落新淨但舊Apartment無EWS1文件

部分香港人過到黎依然有apartment情意結，但見部分rightmove廣告寫cashbuyer only，交易過程記得問有無EWS1文件。

原因係幾年前有棟住宅大火，外牆物料係易燃物料，好快燒通天，然後呢類單位就從此做唔到按揭，除非係承辦商已經更換左外牆物料，但直至而家好多呢D單位仲係等緊換，所以記得問~ 呢類物業只可cashbuy，容易入手難以脫手，投資價值都係低d，所以要注意。

2. Japanese Knotweed

受日本虎杖影響既物業係好難做到按揭，你要清哂日本虎杖先得，但係呢種植物係好頑強，有local搞左幾年都搞唔掂，政府係有資助去清除，但講緊係要落好多毒藥，如果你住係附近，基本上，你係好大機會掂到d毒藥… 有害健康，呢類屋無論投資價值定脫手都係相對難。

3. 拍賣盤故名思義，拍賣盤全部要比cash，另外仲有一筆手續費要比agent。

4. Non-standard construction

筆者而家睇左超過900間屋，係rightmove周不時睇到筍野四四正正，諗住打電話約睇樓，但係有時眼尾會見到廣告有寫non-standard construction同cash buyer only就會打消念頭，點解? 因為唔係磚起既屋係度都係麻煩野多d，例如認受性、樓宇結構安全，部分呢d屋係用steel /timber起，所以只係可以現金買。注意呢類屋都係個句，入手容易脫手難，就算個跡靚到飛起，都要三思。

5. Leasehold地租期太短

有時你會見到部分屋既廣告，佢會比同類型平左一截，但係入面係四正靚仔，再睇真D睇到係Leasehold就要警覺。Freehold大家都明，但如果leasehold 75年貨仔以下，咁就玩唔到按揭，要用現金買。雖然而家政府改革緊可以再續地租，但講緊你要現金買完住左兩年之後先可以搞續地租，有麻煩野上身，寧願say no，但如果超級鐘意既都可以自己研究點搞… 要搵freeholder，然後處理一大堆文件續地租，然後要同律師周旋…聽到已經唔想搞。

6. 結構有問題或者屬於爛屋

間屋入面有問題，當然只能cashbuy，你係銀行會唔會借錢比一個人買間結構有問題既屋? 結構有問題好容易睇到，通常地板或者屋頂都會有跡可尋，牆身都會睇得到。

7. 極端個人理由呢一類就其實香港都有，主要因為原業主好等錢使，例如移民，爭人錢、遺產之類，總之急住要錢，所以只能cash buy。

=======================

基本上筆者睇屋既時候遇過哂以上情況，睇屋既過程簡直可以拍一套電影出黎，但通常如果要求得cash buy都未必係好野，一定要睇清楚了解清楚當中原因，否則好容易跌入陷阱。

買new build都自己留意個盤有無問題，例如redrow之前起磚起到好那西，推一推就成幅跌落黎，有興趣可以睇返前幾個post。

又例如countryside早前係crewe 將屋起左係contaminated land上面，比左錢買屋個d可以話係total lost，因為法例係唔可以咁做，一定要搵地重建。

Cash buy 係型係架世，但都記得注意相關風險先可以係英國建立自己既安樂窩。