有d野壞開有條路，筆者自從廁所水箱漏水拍左條片講點整之後，最新黎到壞門柄。
前日返到屋企，發覺個門柄Tur左皮，一開底下發覺無左彈性，推斷入面個彈弓斷左。呢個網絡時代，通常都上youtube望下究竟自己整唔整到，事緣租屋個時boiler壓力大左小小搞到無熱水出，都係靠youtube自己搞掂，否則冬天真係凍死都未有人黎。今次照板煮碗，見人地d片都係5分鐘就搞到，就膽粗粗，又自己試下。
首先就電批除哂d野落黎，發覺真係彈弓斷左，但佢有個位難搞d，就係有個金屬既率，率住個彈弓同鐵片，等佢地係開關既時候，唔會跌落黎。
筆者得兩把鉗，整整下仲篤親手 XD，然後再接再厲，終於整到佢地落黎，其實整左一陣就發覺到個技巧，女士就千奇唔好試，篤親手事小，篤親面事大，影響搵食。然後發覺要搵彈弓既配件，坊間門市竟然係無!
要上Ebay或者amazon訂個彈弓，仲要自己度呎吋。一般黎講，普通門柄都係1.8mm厚，2.7cm闊，3.5cm長。大家可以睇圖。咁坊間有乜野呢? 就係成個門柄換，閒閒地一個要20-30鎊，我訂左10個彈弓可以換5對門柄就只係8鎊。
咁當然都仲有自己既安裝時間要付出，搞左大概兩個鐘去理解下同埋整個率。如果叫人整又係要20鎊一個門柄。即係我呢個case就要50鎊落樓，自己整就8鎊+時間。
配件到左基本上只係換左彈弓還原d野搞掂食碗面。簡單講，屋呢家野小修小補真係要自己識，下下搵人整就費時失事。
