好仔唔當差，筆者係香港信到十足十，咁世界其他地方係咪都係咁?
之前英國內政部雖然話警察係有必要查盜竊案，係好既開始，但始終疫情改變左好多行業既生態，特別係政府部門服務市民既資源以及心態，靠自己當然係最好，奈何個句野似係靠嚇多d，始終制度既野好難一時三刻改變。
故事苦主Mr Groves係踩車界為人熟悉，被賊仔入屋行劫偷左4部總價值36000鎊既專業爬山單車。d單車比人賣左去波蘭，苦主即使有初步證據，但差佬雖然話會查，但都係 "好似" 無進展，於是乎苦主使左6000鎊聘請私家偵探以及購買航拍機黎去搵返屬於自己既失竊單車。
£6,000 Breakdown --------------------------- £2,500 spent on the private investigator £300 to the blackmailer £1,700 to operatives who collected his bikes in Warsaw £1,200 driving there and back to collect them.
但苦主有話其實佢支持差佬，只不過個制度搞到差佬做野綁手綁腳。 最後大團圓結局: 48小時後由華沙攞返單單返英國，苦主自己都覺得難以置信。
===============
英倫呢邊有幾樣野係高危: 1. 車 (通常入屋爆竊入黎偷車匙即走)
2. 屋內貴重物品 (細件野例如珠寶鐘錶 / 電子野如手提電腦，Tablet)
3. 手機 (街邊行行下被偷)
入屋爆竊仲有優先次序，根據之前審問竊賊既爆竊行徑及心態，通常都會去主人房翻箱倒櫃，千祈唔好以為放貴重野係底衫褲個格好安全，查實個度先係被重點搜掠既地方。 （早前筆者的確係放呢度傻豬仔）
竊賊通常避開廁所及小朋友房完全唔掂，出遠門放野係loft都儘可能避開一劫。大家可以注意。
