[#178 香港人歐遊要ETIAS?! 幾時生效? 要幾錢? 有效期幾耐? ]

update: 多謝讀者Benny 報料，ETIAS已延至2025年先生效，確實日期未定。

起碼下年歐遊都唔使比錢住，同埋唔使煩，其實係喜訊。但2025年都鐵定上馬架啦呢單野。

========================

話說今個禮拜玩完Bonfire night既話就好快到聖誕，唔少香港人都會歐遊過一個冬日白色聖誕節。香港人黎緊2025年出入歐洲神根國，無論攞bno或者特區都好，都要申請一樣野叫ETIAS簽證。 (本來話2024年1月開始實施，最新消息已延至2025年)

ETIAS既主要目的係安全檢查，歐洲申根區國家為左簡化在各國機場的出入國安全檢查手續以及將危險人物排除在可入國成員範圍之外，決定導入ETIAS系統。筆者其實覺得歐洲窮，志在cap水先係主因。以後無論你係觀光旅行、商務原因定轉機，都要申請呢個簽證。

-費用、生效期、咩人需要、幾時開始、可以用幾耐?! 旅行前幾耐要申請?

ETIAS將會係2025年先實施，早前已多次延期，申請收費方面大約7歐元，以信用卡或扣帳卡付款，而18歲以下或70歲以上旅客就可以免費申請，有效期5年，每次用最多90日! 港人申請ETIAS須提交有效既BNO或香港特區護照並回答一系列安全問題。歐盟建議應在出發前 96 小時申請，而結果一般會在申請後 72 小時得知。沒有ETIAS人士，可能會面對嚴重後果，包括被拒絕進入神根成員國。

-適用地方

適用地方為神根區26個歐洲國家，包括德國、法國、意大利、比利時、奧地利、丹麥、芬蘭、挪威、西班牙、葡萄牙、瑞典、瑞士、希臘、捷克及波蘭等。

============

-點搞? 網上搞。

申請者可以在網上填寫申請表格，之後等待歐盟的審查結果。當你既申請得到許可後，一般情況下可以得到一個有效期為5年的ETIAS。

-要交咩文件?

申請人需要準備有效護照（生物特徵護照）、電郵地址以及用扣賬卡/信用卡以支付申請費。

ETIAS應用程序要求申請人填寫基本個人信息包括:

護照資訊、出生日期、居住地點、父母資訊和其他國籍資訊等。最後需填寫安全和健康問題，例如：藥物使用、恐怖主義、販賣人口、前往衝突地區、犯罪史、工作經歷、過去的歐洲旅行資訊等。

============

相信區區ETIAS係阻唔到大家去掃貨。筆者歐洲黎講最鐘意係意大利，美食美酒靚人靚景，去到呢個年紀，堅係覺得邪惡軸心國，包括德國、日本、意大利，乜都吸引D。

#ETIAS #歐洲靚景 #掃貨必須 #簽證