[#180 英倫冬天禦寒大法! 你做左幾多樣? ]

話說不知不覺黎到11月中，夜晚氣溫係大曼城區黎講已經跌到落4-7度區間，係時候同大家分享下筆者呢三年冬天採用既禦寒大法，睇下大家岩唔岩用~

間屋可以做d乜？

1. Loft insulation – 政府推介loft insulation厚度介乎250-270mm其實已經好夠，新屋就通常有300mm，如果大家屬於舊屋，不妨加到呢種厚度去減慢heat loss，間屋會暖d，能源費都平d。但如果已經夠厚，就唔使再加上去，因為咁樣有機會搞到間屋好多濕氣，天花板發霉就大件事。

2. 窗貼bubble紙 — 查實都係insulation既一種，因為暖氣經窗走，或者咁講，寒冷空氣經玻璃滲入黎，都係相對較快，雖然話窗已經double glazing，如果發現自己間屋連窗都無double glazing真係會凍到hihi，儘快安裝，保你冬天一命。

3. 裝落地門簾 — 筆者大門以及通往花園既門，都係有落地門簾，可以幫你有效阻一阻隔冷空氣滲入黎。至於地下bay window，筆者都有裝窗簾做阻隔冷空氣作用。

4. 地暖系統 — 隻腳暖，基本上身都容易暖ｄ。筆者屋企部分面積係有地暖系統，係就係快暖d，用電都幾噤計。

5. 開暖氣最常用 — 確保 radiator efficiency係高，會快暖d，呢個相信人人都識搞。

6. 刪窗 — 直接阻隔冷空氣，但要留疏氣窗／孔以免濕氣積聚。

====================== 電器可以做d乜？

7. 暖風機 — 用落先發覺，暖風機係快暖過開暖氣，同時間唔會話太哂電，吹一陣就好快暖，有時外面凍入返黎間屋，開10分鐘暖風機，無咁易涉親。何況，暖風機唔貴，值得投資。（政府推緊既heatpump其實同一道理只不過規模較大。

8. 暖手器 — 可以差電個d暖手器，的確係幾正，放衫袋用更perfect!

9. 電暖氈— 臨訓前開10分鐘，暖哂，記得電氈上面要放被，否則唔暖的。

====================== 物品可以買乜黎保暖？

10. 驚有電危險可以用fleece氈舖床，夜晚訓覺快暖好多！

11. 暖水袋 — 呢個唔使解釋啦，簡單易用直接，攬住即刻warm哂