[#21 風雨交加去A&E?! 醫院趁症有幾快? 就到半夜買唔買得切藥?! 上集]

話說我返完第一日工返黎，正諗住休息下之際，就見到Vivian隻眼好似有d野。

Vivian:老公，我隻眼好似有d腫，你幫我睇睇係咪眼挑針攪到隻眼係咁流眼水?

我: 我望望先。呢D唔係有D腫喎 (內心打個突)，你見點呀而家?

Vivian: 你返緊工個時我晏畫開始覺得隻眼有d腫，然後有d痛，而家好似成半塊面都好腫同好痛。

我: 咁唔掂喎，不如睇下醫生?

Vivian: 應該未去到要睇醫生既地步?

我: (我再望一望) (Vivian隻眼好似腫到被人打左一拳咁) 唔好啦，即刻去醫院! 我之前登記左nhs，與其去GP，睇睇111收唔收你先。

如是者，我地就上左111個網站，個網站係會問幾條問題黎去assess你既情況，由於Vivian話開始影嚮到視力，我地最尾得到個結果係要去salford royal hospital既A&E，仲可以即時book幾點去睇。

由於外面徬沱大雨，雷電交加，氣溫只係得10至12度，七月尾10-12度! 正常人都應該係屋企休息緊睇下netflix chill下坐下，呢個時候既我地就快手快腳幫肥蕎仔著好衫就即時出發去醫院。

其實我過到黎英國之後都好少渣夜車，覺得比較危險，因為條街無乜燈勁黑，地面路況除左高速公路之外，好多時都好多隆，堅係唔渣得快又有限速，由於實在太大雨既關係，架車既左右鏡全部都係水珠，後窗又唔係好清楚，相信有相關經驗既師兄都知道，個情況實在係有d惡劣。

好不容易渣左一陣終於黎到A&E，一望入去都唔少人! 門口有個黑人食蕉大哥就同我講由於covid既關係只能夠比patient入去，當下我都有小小無奈，唯有叮囑Vivian有乜要留意，內心乾著急。呢個時候A&E外面冷風一吹，當堂打個冷震，濕凍實在係好凍，我都即時再幫肥蕎仔檢查d衫有無著得佢暖暖地。

就係咁我地就返左架車等，一等就等左個半鐘，由於我地有網上預約，Vivian話其實算幾快! 佢同我講現場仲有好多其他嚴重既case係度係咁催個護士快d比佢地睇醫生，包括有個阿伯盪傷有個好大既水泡、有人撞穿左個頭而額頭d血係乾左 (係要縫針個隻撞穿)、有人係整親隻腳狀甚痛苦… Vivian就咁係電話話我聽我都覺得痛，因為我其實係好怕痛個d黎，連打針都好抗拒。咁Vivian由於視力好似開始受到影嚮，佢被歸類為緊急既一批patient。

黎到呢度睇醫生，好難唔同香港對比，對比下呢度既A&E可以叫做快好多，香港我諗等得黎其實已經訓著左或者睇私家會好D。

Vivian跟住話個醫生好細心幫佢睇症，話比佢聽隻眼係細菌感染，仲開左抗生素比佢，然後話半夜前得返市中心既一間藥房仲有開，要買藥就要趁早，否則無藥要頂一個晚上真係唔容易，最尾又話你要去曼城另一間大型眼科醫院check check好d，因為腫到咁既狀態實在有點得人驚。(鬼咩，醫生都話驚，你想唔想像到當時既我有幾驚)

就係咁，我地係接近零晨既11:45分睇完症，即時睇下個間野幾時刪門，check到係12點個時間堅係忟忟地，本身Vivian都提議話不如等聽朝先再去，因為阿囡好眼訓，我又好攰，但我堅持話要去買藥，因為佢咁樣真係可大可小，我唔想帶左老婆黎英國然後佢盲左，我到時真係死都難以贖罪。

Check左車程要10分鐘，即時打去藥房問下可否keep藥比我地唔好刪門住，好彩地佢又話ok，然後就開始左緊張既十分鐘車程。由於勁大雨既情況底下，所有野都變得好夢幻，講得勁d係好浪漫添，街上既燈以及車既光影都彷彿為呢程車帶黎更大既挑戰，然後緊張既心情底下又唔可以超速，因為條路好q多快相機，真係可以話一步一驚心。

好似經歷左一個勁漫長既車程終於黎到市中心呢間藥房，一睇就知點解開到半夜，原來係印度人開既，然後我地終於用個subscription同埋17鎊得到夢寐以求既消炎藥同抗生素(thank god)，對比香港係平左，但香港一條龍等你唔使頻撲，或者可能都係一個好處!

呢個時候我抱住既肥蕎仔已經太眼訓訓左，返到屋企Vivian即時查藥，佢話d藥係入面由眼滴返落喉嚨，勁苦! 我講笑話當飲苦茶 XD

--------- √ 有事即刻去醫院，咪等GP。

√ 眼睛(或重要部份或脆弱器官) 呢家野可大可小，check check穩陣d。

√ 111個網會問唔同既問題黎審視病人的情況，如果真係有相關徵狀，切忌怕醜，搵一搵醫生好d。

√ 護士只係問左名，post code同地址，無羅nhs號碼。

√ 外國醫藥分家，如果病徵早期已經發現唔係好妥，不妨早d睇，否則睇完醫生無藥都係白走一趟。

√ 話說Vivian已經好痛但都攪左個爛gag: “I told my daughter that my eyes got bitten by a spider, I hope this is not true”，個醫生仲要笑埋一份，可能係咁個醫生先話佢知最近及仲未刪既藥房係邊。

---------

希望Vivian訓完聽朝無事啦!

下集待續...