top of page
Search

[#25 風雨交加去A&E?! 醫院趁症有幾快? 就到半夜買唔買得切藥?! 下集?! ]

上回講到同Vivian終於係市中心買到藥，然後半夜其實肥蕎仔抱抱下都訓左，返左去搽左藥食左抗生素都祈求上天快d比Vivian好返。


第二日以為抗生素一定work啦?! 少年你太年輕了! Vivian話都係咁，但隻眼就無再惡化既跡象，係咪好玄先? 睇黎隻藥work就work，但唔夠勁去搞掂呢壇野。我即時同公司請左假，返工第二日請假係咪好刺激先? 然後就即時驅車去係曼城南面既Manchester Royal Eye Hospital度睇症。


由於之前係急症室既醫生話就咁去就得，唔使book，搞到我半信半疑就去左，結果係… 睇到既，前題係你堅係emergency，好似Vivian隻眼咁，其實一睇就知urgent，仲要開始影嚮視力個下堅係教人擔心。


黎到呢度都覺得間醫院幾大下，分左好多唔同部門，唯一唔同既係今次係家屬都可以一齊入間醫院，無再係門口因為covid而被拒諸門外，咁當然我地全部人都戴哂口罩以防傳播。


然後，就沒有然後了，因為一等就等左三粒鐘! 當我覺得唔係好對路之際就發覺其他病人都有個pager跟身，而Vivian係無既，一問之下就發覺登記完suppose係有個pager，但原來護士因為太多人睇症所以當下比唔到我地，後來又無通知我地羅返一個，直至我地問同埋羅完pager無幾耐個野就即刻閃，響同震了! 發現一個鐘前其實醫院有打比Vivian但佢因為太辛苦miss左call，否則其實應該兩粒鐘就見到醫生，對比香港係快勁多。


醫生好細心，直情的左Vivian洗眼，洗完眼洗左入面既膿堅係無咁腫，第二日朝早仲發現入面有兩粒好大粒既眼挑針，堅係觸目驚心! 之前既情況係腫到locate唔到粒眼挑針。


就係咁，醫生開左更強既抗生素比Vivian，第二朝先叫好返d同埋無再腫，而我擔心左兩日終於可以放下心頭大石，完全明白咩叫 “傷在你身，痛在我心”既精髓。


---------- √要話個情況係emergency先有得睇，否則其他部門都係要登記左先。


√登記完，記得，記得，記得同姑娘羅pager，到左你既時候係會響架!


√眼科醫院有埋藥劑部，一次過配埋藥，一隻藥係£9.35，好處係唔使再周圍撲，如果你知隻藥正常係幾多錢，呢度分分鐘可以平過市價買藥。調返轉黎講如果你知道隻藥市面買係平d既，你就可以自己去配都得，可以慳返d錢，食完之後自己再配都得 (前題係普通藥，並不是處方藥，建議搵醫生穩陣d，但係英國叫做你有選擇)。


√由於Vivian係屬於我地移英既糧草隊，正所謂 “三軍未動，糧草先行”，奉勸各位男士好好愛錫老婆，因為咁樣先會有好味既晚餐食。(陰公佢病左我只係煮到基本野又要湊肥蕎仔… 煮左出黎又未至於難食既，但我prefer佢煮)


----------





 
 
 

コメント

bottom of page