top of page
Search

[#3 動物農莊之omacdonald首歌真係有得解]









moo moo here and moo moo there原來係真係有得解，點解咁講？話說幾日都落雨，有一日終於放晴，我地當然捉緊機會出去鬆下筋骨啦，所以我地就約埋一個意大利家庭一齊黎左smithhill既農場啦。


有湊開小朋友既一定知，亦都一定唱過omcdonald has a farm，eieao。一齊唱個時係咪覺得歌詞有d誇張失實先，有無咁多moo moo呀又here又there，好似7eleven咁梗有一間係左近？ 但原來真係有架，揸奶奶期間moo moo仲大牛尿尿，連現場安排揸奶奶既工作人員都彈到d，真係唔好睇小佢既威力，想像下如果幾隻好有默契地一齊柯...


其實我個囡-肥蕎仔細個個時曾經貪玩伸手入鳥籠，比一隻啄過，自始一朝被蛇咬，十年驚草繩，乜動物都驚驚，但今日去農莊竟然有零的突破，你估佢做左乜？


話說一去到已經有好濃郁既“農場味”，農場味係咩味？你懂的我地就拿住好味既飼料黎賞賜農場既大神們，佢地條脷不停地奶呀奶，整到我隻手好有感覺 係我地不停餵不停鼓勵下，肥蕎的確有行埋去嘗試餵飼，但牛頭準備去食個時，佢都不期然縮手然後飼料跌哂落地當餵左，仲大大聲自己話蕎蕎餵左，我究竟應該笑定喊?


除左，仲有好多動物，包括草泥馬，其實我有小小驚草泥馬會無端端吐口水，好彩由頭到尾都係喉住我包飼料，無對我不敬，而我亦都可以繼續順利參觀。


其中，肥蕎仔有同一隻綿羊鬥咩，大自然好神奇，我地大人傾計個時有隻bb山羊同佢玩玩下，係佢面前朴低休息望住佢，彷彿好似傾計咁，動物好有靈性！然後我地又睇左好多動物，包括我鐘意既，佢地隻眼堅係嚮嚮有神，冷靜神秘，型型的。


重頭戲黎啦，我地黎到pets corner見到其他家庭同小朋友攬住仔或仔，玩到勁開心，本身仲諗住肥蕎仔實好驚唔敢掂或者發脾氣要走，點知佢見到同我地一齊去既意大利姐姐攬住好高興，竟然零的突破狂摸隻，興奮個時仲稍為用力揸仔，我地差d想講呢度唔係nando，唔使咁用力揸d雞，要溫柔...如果唔係佢會痛就係咁，佢第一次零距離成功接觸到d動物，我地做家長既都鬆返口氣，慢慢教佢，希望佢自始都唔使見到動物就 「我地一齊返屋企。」


臨走試左農場新鮮渣出黎既牛奶整既milkshake同雪糕，不得了，彷彿為味蕾帶來新既感受，清爽唔黏好味fresh下次黎真係要飲多幾杯~


 
 
 

Comments

bottom of page