top of page
Search

[#30 Council係咪真係派到好學校? 開學前買校服通常都平d? ]

我諗搵學校呢單野其實對好多家長黎講都好重要，因為山長水遠香港過到黎英國，無理由搵間require improvement級別既學校比個囝或者阿囡讀，香港人過得黎就算無oustanding既state school讀，都想囝囡讀到good school，情況正如你放個囝囡係香港，我諗你都唔會比間band 3既學校佢讀卦?


於是乎，雖然肥蕎仔只係nursery class，作為老豆既我都金晴火眼幫佢睇下究竟我地租呢度周圍有d咩好既學校岩佢讀。


係英國d討論區見到好多家長都係去心儀學校叩門問，但我呢區無呢支歌仔唱，因為呢度係要through council個網站去申請學校，除非你有特別宗教信仰先至去返相關既學校補交資料，例如如果你想讀天主教學校，我呢度有間outstanding既天主教小學係會要求你提供受洗既證明或者所屬教會頒授既受洗書之類既證明文件，黎去證明你既教徒身份，否則唔係教徒係唔會收你入去讀。


由於我地本身無宗教信仰，無理由因為間學校好就叫肥蕎信聖母同耶穌入天主教小學度讀，所以我地係council個網站個志願都係揀d無宗教背景既學校。適逢我地附近都係得good既小學可以讀，所以就比佢順其自然。


咁由於今年既派位係上年9月至1月已經要through council去揀同抽，變左今年我地暑假入紙其實點都係插班生形式，咁council就派左間good既school比我地，叫light oaks infant school，但就得晏晝班，時間仲要有d尷尬，尷尬在d時間係小朋友勁眼訓個d時間黎，係講緊中午12:45至下午3:45，對肥蕎仔黎講學野、吸收知識或者識朋友仔都十分不利，因為佢自己本身呢個時間都十分眼訓，但都無法，都係報住先，驚佢無書讀，因為其實可以reject offer，但岩岩黎到費時搞咁多野所以都照take 住先。


如是者我地亦都去我地住既周圍附近睇下d nursery學校，睇下有無更好既選擇，發覺有間野叫kids planet(發覺其實同planet of apes係無分別，因為d小朋友都係好頑皮)都幾好，互動教學，仲有好多教材，而且收黎自唔同地方既小朋友，模擬小小既地球村，我地都覺得幾岩肥蕎仔，問左老師間院校係私人院校性質，可以申請政府資助，3歲小朋友每個禮拜可以有免費既15小時教育，黎去申請院校既學位，同d老師傾左都覺得幾好，內心1516，諗緊究竟比佢讀呢間定council派既學校呢?


第二朝，諗下諗下，覺得始終傳統既學校可能好d，同埋light oaks infant school有自己既twitter，可以係上面睇到學生係學校做左d咩，透明度好似好d，於是乎我唔死心地打左去學校八卦地再問下究竟有無上午校既位，點知呢個時候學校個admin話竟然有上晝班既位剩左，我緊係唔理三七二十一幫肥蕎仔報左，因為讀朝早對大人同小朋友黎講都好d，起碼第時讀全日制個時唔使再重新適應個時間。


就係咁誤打誤撞地肥蕎仔就讀到呢間學校既上午班啦，我地去學校交文件期間遇到其他家長接放學，發覺原來間學校風評都唔錯，上午班仲要oversubscribed，所在既社區亦都幾有錢，相信肥蕎未來既同學仔都屬於比較有資源既一班人。


--------- √ 一日未confirm個學位都記得double check睇下有無上午班可以讀，反正都係問一句，因為係d好既社區好多家長都比小朋友讀independent school或更好既學校，good既state school分分鐘有位放返出黎。


√ 有得讀邊個想讀下午班，無論係小朋友發展或者大人返放工時間，讀上午班都係首選同埋方便d，亦都幫到小朋友第時快d適應全日制返學。


√ 有規模既學校通常都有係自己既社交頻道例如facebook或者twitter post學校學生平時既活動相片，等家長有機會可以了解到平時學校籌備左乜野活動比學生去玩同學習。

√ 有得site visit既學校個人覺得都好d，起碼學校要準備下，唔會攪到個場爛溶溶比你睇，而你又會了解多d第時你個囝或者阿囡係咩環境讀書。


√ 我地發覺好多商家係8月都有做 “back to school”既優惠，通常買校服都有8折，我地就去左馬莎買，因為覺得quality對比poundland或者其他舖頭好d，但講方便就一定poundland 方便d。千祈唔好同學校買校服，勁貴，我諗係你係舖頭買既價錢既一倍!


√ 大家黎緊開左學無幾耐又要玩大攪珠，因為攪珠係9月開始至下年1月為止，今次肥蕎仔係抽reception class。


√ 大家除左上Locrating比錢了解學校既評分之外，有時捕住學校外面等緊小朋友放學既家長問多幾句，你都會知道間學校大概係點。





 
 
 

Comments

bottom of page