[#356 中小企都比人搞]

講緊要申報成套profit and loss比稅局，真係大癲。

今次既星期六專題同大家研究呢樣野，因為唔少移英港人都係做老闆做下生意仔。

 英國工黨政府正式拍板決定，全英國高達 200 萬間中小微型企業，未來必須向公司註冊處（Companies House）申報全套利潤和虧損表。呢項政策其實一早根據 2023 年通過嘅《經濟犯罪與公司透明度法案》諮詢左接近一年，核心就係要全面「閹割」此前中小企可以遞交簡化、縮水版財務報告嘅特權。

原本，全英各大商業及科技智囊組織舊年夏天先向商務大臣集體上訪，當時大家都放定風、預期呢項擾民嘅強制損益披露要求會被政府「胎死腹中」撤回。

點知兩三日前，政府突然反口，死撐話必須喺「打擊跨國瞞稅、逃稅嘅透明度」以及「中小企自身嘅商業機密風險與額外行政成本」之間取得公平平衡。不過，內閣承認一班老闆需要時間準備，所以法例將會延遲一年，直到 2028 年 4 月才正式強制執行。

中小企業國務大臣 麥杜高（Blair McDougall） 施施然出面洗地話：「我哋一早已經極之仔細咁聆聽咗各方利益相關者嘅擔憂，經過深思熟慮之後，我哋決定繼續全面推行呢場大改革！」

 消息一出，英國中小企業聯合會（FSB）隨即引爆公憤，怒轟政府「撕毀承諾、講大話」。

FSB 執行總監 Craig Beaumont 踢爆，現任工黨黨鞭、即係前任商務大臣雷諾茲（Jonathan Reynolds），當初明明對全英商界拍定心口、斬釘截鐵咁保證過「絕對唔會強求中小企額外披露損益表」。

Beaumont 媽差：「公司註冊處班高官一夜之間令全英國人創業、營運一間中小企嘅成本變得更加昂貴！我哋當初明明攞到前任商務大臣嘅承諾，話呢啲改革絕對唔會放行。今日，我哋正式向口口聲聲話想英國經濟增長嘅內閣大臣發出最後呼籲：請即刻煞停呢啲扼殺經濟增長嘅垃圾改制！」

-----------------

 根據新例，全英所有中小企（Small companies）以及微型公司（Micro companies）——即係旗下員工50 人以下，或者年營業額高達 1,500 萬英鎊以內嘅所有生意仔都要交詳細損益表。

政府理直氣壯話，損益表未來會名正言順提交比HMRC，用黎全力緝拿詐騙、經濟犯罪以及瞞稅。

 根據政府庫房聲稱，全英國現時高達 470 億英鎊嘅『稅務缺口（Tax gap，即應收未收之稅款）』入面，有六成嘅爛賬來自中小微型企業（SMEs）少報、漏報或者瞞稅所引致... (大佬... 堅唔堅呀? )

為左安撫群情洶湧嘅基層老闆，政府係原定方案中作出一項讓步：普通小公司可以向 Companies House 申請『Opt-out（選擇退出公眾查閱）』，咁樣出面嘅行家同路人，就無辦法係網上隨便查到你公司實質賺幾多。

不過，大批英國高科技獨角獸企業（Fast-growing technology firms），今次就無咁好運。新例規定，呢班科技新星未來必須百分之百、毫無保留咁向全天下公開披露完整嘅利潤或虧損！ (咁佢地一定走去美國....)

 商業機密被閹割！大財團分分鐘用大數據「偷走你班客」

FSB 的 Beaumont 踢爆，政府呢種做法係助紂為虐：「你一公開數據，出面班同行對手、仲有大財團（big businesses），分分鐘可以用大數據，偷走你班熟客、或者壓低對你嘅供貨付款！」

政府今次仲附帶左幾項重手法規：

收緊免數（免審計）門檻： 以前小公司可以輕易免除聘請獨立會計師核數（Audit）嘅特權，未來將會被全面收緊。

嚴禁頻繁更改會計年度： 嚴厲限制公司去隨便縮短自己嘅會計記賬週期。要知道，以前大批小老闆最鍾意用呢招來名正言順「押後、延遲」遞交全盤賬目。

全面廢除紙本 / Portal 填表： 未來所有小公司填表，一律嚴禁紙張上填寫、亦唔可以用 Companies House 現有嘅免費舊網頁申報。老闆們必須自費、或者搵會計師購買政府指定核准嘅「商業會計軟件（business software）」聯網申報。

大家都要留意黎緊既政策，以免比稅局睇上...

#crazy 

#竟然搞細公司  

#大公司走數都未計

#fblifestyle