[#357 英國top 1% 高收入俱樂部]

以前成日有d分析香港邊度有錢佬多d，今日就黎睇下英國 ，new money old money 一次過望下，數據引自最新HMRC 及國統局。

係英國，要踩上金字塔頂端，門檻已經隨通脹大幅飆升：按年收入計（Top Earners）： 稅前年收入必須達到 £207,000 或以上。對比 10 年前（2013-14）的門檻為 £159,000，20 年前則只需 £111,000。

按總資產計（Top Households）： 成個家庭淨資產（包括房產和退休金）必須達到 £3,121,500 或以上。 (講真，唔少移英家庭都有!!)

-------------

「1% 俱樂部」的成員越來越年輕，官方數據打破左以往大眾對富豪「全部係白人阿伯」既刻板印象：

性別比例： 係年薪超 20 萬鎊既群組中，男性佔 30.3 萬人，女性有 8.8 萬人。

年齡大洗牌（科技及金融新貴）： 頂層富豪正呈現極端年輕化。 2024-25 年度，年薪超 20 萬鎊的人當中，竟然有高達 33% 屬於 35 至 44 歲的年輕組別（對比 10 年前，呢個年輕組別只佔 2.8%）。相反，以往既富豪主力軍（45-54歲）佔比由 29% 縮至 11%。

種族多元化（少數族裔表現亮眼）： 雖然 1% 富豪入面有 79% 係白人，但若對比全英人口比例，混血（Mixed）及亞裔（Asian）於富豪榜中既表現更為突出。混血人口僅佔全英 2.9%，但佔 20 萬鎊高薪族高達 8.4%；亞裔佔全英人口 7.7%，但佔高薪族近 11% !!

-----------------

財富來源的祕密：越高層，越不靠「打工」

年薪 20 萬鎊係分水嶺，再向上爬，賺錢模式會徹底改變：

年薪 £20萬 - £30萬： 依然係高級打工仔，75% 收入來自傳統僱傭薪酬（Employment），12% 來自物業、股票除淨和收息等被動收入。

年薪 £50萬 - £100萬： 打工收入降至 71%，自僱/開公司（Self-employment）升至 18%，被動收入佔 16%。

年薪 £100萬以上（超級富豪）： 打工薪酬僅佔 51%，其餘大部分全靠公司分紅（28%）和資產收租、投資等 passive income（21%）。

===========

每月淨袋1萬鎊，但「唔覺得自己有錢」？

年入過 20 萬鎊，但係英國依然有好多人覺得自己過得「緊拙」，原因有三個: 年薪達£207,000 高薪族，扣除極高的累進稅率後，每年實收（Take-home pay）只有約 £121,500，即每個月淨袋約 1 萬英鎊（如果係稅率更高既蘇格蘭會更少）。

到左這個收入級別，政府會啟動退休金免稅額遞減機制（Tapered pension allowances），存多左就會被罰稅。

另外，富豪平時面對「奢侈品通脹」遠高於官方 講既通脹，例如私立學校學費、海外長途豪華旅遊加幅驚人。加上工黨舊年 1 月起對私校學費加徵 20% VAT，令家長壓力暴增。

係資產超 310 萬鎊的家庭中，平均有 140 萬綁係自住物業，138 萬鎖係未到期唔郁得既退休金（Pensions），真正可以動用既流動資金只有約 84 萬鎊。

========================================

呢 1% 人口對於維持英國公共服務超緊要：因為佢地貢獻左英國高達 27% 的個人所得稅（Income Tax），總額約為 880 億英鎊。

對比之下，全英國收入最低的 50% 基層人口，合共只貢獻 10% 的所得稅。

自 2021 年起政府凍結稅階，隨住通脹加薪，過去幾年所得稅總額被硬生生拉高 40%，令英國今年 4 月所得稅收入達到破紀錄既 3,270 億英鎊。

-----------------

高薪族大多數集中係倫敦、英格蘭南部和東部。

有趣既係有貸款經紀 爆料，申請 100 萬英鎊以上巨額按揭既「城中貴人」（如私人銀行家、資產管理經紀、律師行合夥人），絕大多數買樓都會選擇「只還利息、不還本金（Interest-only）」既按揭模式。

因為佢地平時現金流支出極高（例如幫仔女交高昂私校學費），選擇只還利息可以將每月「供款」壓到最低，以便靈活調配現金流，等每年底發放巨額花紅先一次過大筆還款或作其他投資。

頂級銀行入場費提高： 呢班高薪族係 Coutts（英王御用私人銀行）及 Investec 常客。不過隨住富豪通脹，Coutts 去年將新客戶資產入場費門檻，由 100 萬英鎊大幅提高到 300 萬英鎊。

#英國高收入人士    

#淨收入都掹掹緊

#被動收入關鍵