[#358 業主唔可以keep按金 ]

有油水既野，政府真係昅住。有玩收租既朋友要留意。

工黨計劃全面終結業主自行保管按金，強制轉為第三方託管。呢項新改動預計於明年四月正式生效。

現行制度下，英格蘭及威爾斯業主可以有兩種選擇：一係將租客按金存放於三個指定既官方保護計劃之一；二係將按金存放係業主自己既戶口，但必須購買相關保險（即投保制），以防資金流失或被挪用。

房屋事務政務大臣（Housing Minister）彭尼庫克（Matthew Pennycook）表明，未來業主必須透過所謂「託管制（custodial scheme）」，將所有按金全數移交至指定按金管理人。 佢話，取消業主及地產代理可自行持有按金既「投保制」，旨在解決長期以來「本質上權力不對等」問題。

呢項轉變係繼今年五月工黨正式實施《租客權利法案》（Renters’ Rights Act）之後又一重大改革。先前法案已經禁止所謂「無過錯驅逐（no-fault evictions，俗稱業主無條件收樓）」，並對不遵守新規既業主加重左罰則。

「係託管制度下，資金由『租約按金保護提供者』作為中立既第三方持有。」將按金存放在託管制中的租客，在租約結束時，會更有信心和底氣去挑戰業主無理扣查按金的決定。

政府提到，由於缺乏投保制度相關數據，好難確定租客平均需要等幾耐先攞返按金，但政府深信，處理時間平均比託管制要長得多。

===============

租客權益倡導組織 Generation Rent 代表 Dan Wilson Craw 話：「投保制其中一個弊端，係外界無法睇清筆按金去左邊，用左係邊度。」

目前，英國三大主流按金保護計劃分別為：Deposit Protection Scheme、MyDeposits 以及 Tenancy Deposit Scheme。當資金被鎖定於呢d計劃入面個時，通常會租約期滿直接退比租客。

如果業主未能遵守保護租客資金法規，除左要退還原本按金金額，最高可被法庭勒令向租客支付相當於按金三倍既補償金。

---------------

今年三月，房屋、社區及地方政府部（MHCLG）公開招標一項為期七年的採購合約，計劃僅委託一間公司黎營運一個「單一純託管按金計劃」，以全面取代現行三大主流計劃。招標廣告中亦指明，該計劃未來將會與部門分享利潤。 (司馬昭之心路人皆見)

目前存放全英租約按金中資金高達約 50 億英鎊，呢筆巨款所產生利息預計每年有幾億鎊!

數據顯示，現有三大按金計劃係六月份支付利息大約介乎 0.7% 至 1.44% 之間。而根據金融分析機構 Moneyfacts 的數據，同期市面上普通即期儲蓄戶口的平均利率則高達 2.53%。

政府目前仲考慮緊既提議仲包括：按金「護照化」（deposit passporting）——即允許按金在不同的租約之間直接轉移，而不需要先退後交；以及探討是否應該允許租客動用利息，資助佢地向業主採取法律行動。

============

唔少業主及地產代理對當局取消投保制決定感到大惑不解，並提出強烈質疑。

行業組織 Propertymark 代表 Greg Tsuman 話：「如果政府擔心風險，大可以將投保制限定於受監管既地產代理身上，而唔係一刀切全面廢除。」

「政府應該將精力集中係租客面對既真正挑戰上，而唔係去修改一個目前運作大致良好的系統。私人租務市場失敗，唔係出係按金保護環節上。」

---------------

北望蘇格蘭，早已實行強制託管制，當地業主必須係租期開始後既 30 個工作天內，將資金存入政府批准既託管計劃中。

#無所不用其極    

#港人業主要留意     

#賺少左息