[#359 塞爆小朋友個pension 避稅 ]

好過比政府，right?

幾十年黎，退休金一直係保護家族財富免受遺產稅侵害既最強大避風港。但黎緊可能會有所改變。由 2027 年 4 月起，私人退休金將會被納入遺產稅的徵稅範圍，意味著死者未動用的退休金儲蓄，將可能面臨高達 40% 的遺產稅。

坊間形容呢個係工黨最新「掠水（tax grab）」既政策，引發儲蓄人士恐慌，都諗辦法保護自己既「棺材本」。唔少人就攞左兒童退休金（Junior Sipps）黎做擋箭牌。

根據 Lubbock Fine 財富管理公司的最新數據，英國目前有 45,000 名 18 歲以下人士擁有退休金戶口。各大投資平台指出，自財相於 2024 年宣布調整遺產稅制以來，市場對呢種「兒童自我投資個人退休金（Junior Sipps）」好有興趣。

Hargreaves Lansdown： 今年 5 月新開設的兒童退休金數目，比去年同期暴升 158%。

Bestinvest： 今年首三個月的開戶量比 2025 年同期增加 18%，更比 2024 年高出 59%。

Fidelity： 今年以來的開戶量亦比 2025 年同期錄得 29% 的增幅。

------------------

利用兒童退休金黎減免遺產稅的原理非常簡單。父母或祖父母可以將自己已被取消稅務保護的退休金中提取收入，然後以「定期贈予」的方式存入子孫的兒童退休金戶口，從而變相縮減自己名下需要被徵收遺產稅的資產規模（taxable estate）。

唔單止慳稅，更可能係未來創造出新一代 "富豪退休族"。一個小朋友如果由出生起每年就放夠錢，到 18 歲個時退休金資產可達 10 萬英鎊。即使之後唔再入錢，單靠長線投資增長，到 65 歲基金滾存總有望突破 100 萬英鎊 (如果指數係keep住上升既話)。

===========

兒童退休金（Junior Sipps）運作原理：

必須由父母或法定監護人為 18 歲以下兒童開設。任何人都可以供款： 祖父母或親友亦可代為供款。供款上限： 每年最多可存入 2,880 英鎊。

政府補貼： 政府會自動補貼 20% 的退休金稅務寬免（Tax relief），令每年戶口進帳變相多出 720 英鎊（即總額達 3,600 英鎊）。

Hargreaves Lansdown 指出，過去一年「存到最上限」的兒童戶口數目增加左 17%。

--------------------

Junior Sipp vs Junior ISA（兒童個人ISA儲蓄戶口）

傳統上，每年供款上限高達 9,000 英鎊的 Junior ISA 一直係家長減輕遺產稅負擔的首選。但投資平台 AJ Bell 的數據顯示，風向變緊——目前該平台上每四個兒童戶口申請中，就有一個係 Junior Sipp。

============

唔少移英港人超疊水，如果長遠計劃留英國，不妨on top of junior isa，利用埋小朋友退休金戶口避稅。

#juniorisa    

#juniorsipps   

#與其比政府掠水  

#好多人寧願使哂佢