[#362 Retail park越黎越吃香?! ]

比你揀，你鐘意去retail park定high street?

有免費泊位、又密集、有額遮頭、買野之餘可以食埋野，冬天夏天都逛得，d野通常有折扣平d，而家既retail park係越黎越受歡迎，可以話係鹹魚翻生。

retail park以前多數得大型傢俬舖、油漆或電器舖。依家因為平價超市同雜貨連鎖店（如 Lidl、Aldi、B&M、Home Bargains）帶頭進駐，變成左炙手可熱嘅零售物業。

截至 2025 年底，英國零售倉儲板塊嘅空置率跌到只有 4.8%，創歷史新低。大業主 British Land 旗下零售園區嘅出租率更高達約 99%。

商戶種類增加左! 除咗平價超市，時裝店、藥房（如 Superdrug）、體育用品店（如 Mountain Warehouse）以及連鎖健身室（如 PureGym）都積極進駐。

上門送貨同退貨嘅成本太貴，零售商依家利用retail park 作為「網購自取（Click-and-collect）」同退貨中心，既慳成本，又吸引客到店買更多嘢。

retail park多數喺大路邊、有大型免費停車場、鋼結構建築容易改裝、商戶之間亦可以共享人流，回報率比High Street更穩陣。

====================

 萊坊（Knight Frank）研究指出，預計到 2033 年前只會有 21 個零售倉儲項目落成，未來 8 年合共只增加約 270 萬平方呎樓面。但單係 2025 年一年內，零售商就已經吸納咗大約 750 萬平方呎嘅空間。由於無位，零售商開始瘋狂爭位，甚至願意提前幾年高價買斷未到期嘅舖位。

點解開唔到新園區？

英國政府為咗保護市中心，對外圍發展限制多多；加上建築同借貸成本高企，依家「買一個零售園區比起起一個全新嘅更平」。

審批嚴重滯後： 以前 13 星期就批到嘅規劃申請，依家往往要等雙倍時間，甚至長達兩年。

面對住宅搶地： 唔少現有嘅零售園區（特別係倫敦）正係比住宅發展商爭地，攞左黎起屋仔。

----------

萊坊話，英國正喺零售園區嘅供應危機入面「夢遊」緊，如果規劃政策同市場供應唔catch up，零售商好快會面臨「無舖可租」嘅情況。

比你係老細，都想retail park做生意啦，而家high street真係吉舖多過開舖 (倫敦以外地區)

#retailpark      

#highstreet          

#yourchoice       

#做生意既朋友記得留意留言