[#366 英國既開心事]

夜晚靜靜地傾下計，其實呢幾年係英國最鐘意既幾樣野，係以下呢幾樣:

1. 可以wfh，自由支配時間，唔使ot，多左唔少時間可以照顧自己運動同飲食方面既均衡，精氣神都好左。

2. 英國同事大多都比較友善，大家都想為件事好，筆者好運撞到好同事，但之前都試過遇到印度上司頂左兩年，好彩後來美國老細知道佢籠野，炒L左佢，自始公司運作有效率好多，因為呢件事，知道唔少阿差都係present 9up 好L 勁，但做就無能為力，但佢地搬弄事非以及英文都犀利d，寧得罪君子，莫得罪小人。筆者既朋友係倫敦做野，亦都唔同講法，佢遇過英國或者蘇格蘭藉上司，都係咄咄逼人，所以，都係睇彩數。唔好彩數既話，唯有鬥長命。

3. 可以陪多d個囡 - 由初頭作為新手老豆，到而家心態都慢慢轉變左，覺得陪到小朋友學呢樣學個樣去玩，係享受，多過係一個負擔。係香城放左工仲要再湊，真係好攞命，基本上無自己時間，日日都係死頂 (除非有父母或者姐姐幫手)，亦都可能因為而家個囡大個左，要完全照顧既時間少左。

4. 係英國住，得凍同埋蜘蛛要處理。即使係夏天，都無乜其他昆蟲。筆者唔驚蜘蛛，亦都慢慢習慣冬天既凍，加上會返香城以及日本/泰國行大運，渡過冬天係okay既。每次返亞洲，真係好q多蟲... 好討厭。

5. 英國住，唔使受氣，大多時間自己渣車，自由自在，唔使遇到強國人同路上既tesLun，但有時都會有karen，偶爾處理就得，脾氣好左好多。以前係香城渣車最谷氣既，係遇到乜事都抄牌既差佬，以及路上嚮喉L、快線L 同 篤線 L。

6. 英國住少噪音少煙味少負面刺激，個人可以專注做自己想做既野，加上同隔離鄰里關係友善，有時會飲下茶食件餅，互相照應。

7. 英國個氣場係無人迫你，自由自在，無一個低氣壓罩住你，同埋無乜比較，人地都唔會太care去比較，你可以由心做自己喜歡既事。

8. 由以前阿囡話 "淨係炸 fish and chips / nuggets / fries" 到而家 "豬/雞/牛/羊 都整到佢仲要話好好味" 係好開心，然後佢係真係覺得好味，唔係敷衍，做老豆既，真係覺得小朋友其實包容左大人好多，筆者真係好愛個囡，而廚藝亦因為咁進步左唔少。 (以前淨係識蕃茄炒蛋 / 公仔面 / 簡單野)

9. 英國乜都要自己黎，呢幾年屋企出現過唔少問題，學識左整水喉、整radiator、油油、清gutter、fencing、decking，住屋仔真係唔少野要搞，但都學習到。

先寫好既，之後再寫有d咩仲係適應緊

#住左幾年既回顧

#你地最鐘意又係d乜

你地留言分享你覺得既開心事係咩? 一人一個