[#47 英國哈囉喂氣氛有幾正? 橫風橫雨都照掘pumpkin咁熱情? trick or treat你揀邊樣先?]

黎得英國點都要玩下西人鐘意既哈囉喂! 每年一年一度扮鬼扮馬不得止，相信好多讀者都睇到筆者呢幾日post既相，西人仲會裝飾到間屋有咁正得咁正，吊住d白色鬼同鐮刀鬼又整左南瓜不得止，仲要係入面加埋燈營造驚嚇效果，前面有花園既孖屋通常都整埋墓碑勁有心機! 彷彿好似你行入佢間屋就步入左類似主題公園既鬼屋一樣，勁驚嚇勁興奮勁開心!

話說岑日哈囉喂我地都稍為佈置左我地間屋既門口，雖然係排屋，我地都吊左d塑膠蜘蛛仔係門口同整左類似白色既蜘蛛網係我地道門度，包你行過點都望一望有無揩到d蜘蛛。要注意呢邊有d人係信基督，唔玩哈囉喂，所以最好你見到人地有佈置先埋去trick or treat，否則就打攪到人地架啦~

咁呢日我地晏晝就去左掘南瓜，由於好耐之前book左，所以即使橫風橫雨都照去，地點就係wigan個邊一個藍瓜田園，點知去到越黎越大雨，我地就喱埋左係臨時搭起既帳篷，玩住wheelbarrow扮已經掘左南瓜，到有個位好似無咁大雨先快手快腳出去掘。肥蕎仔最鐘意反而唔係掘藍瓜，而係同佢buddy係水氹度狂跳好似peppa pig咁跳到成身都係污糟水泥水，場面係家長無言但小朋友勁開心。

我地係同一家意大利家庭去玩既，所以佢地兩個小朋友好happy。然後短暫無雨既時間好快過，大部分時間都橫風橫雨，凍到hihi，但我見鬼仔家庭好似無視天氣一樣，照出去掘超熱血，睇黎萬聖節既氛圍同吸引力實在太勁，我見好多鬼仔家長都唔mind大風大雨。我地掘完買左d新鮮蔬菜就返屋企準備迎接今晚哈囉喂啦~

返去到勁早就有d鬼仔黎敲門羅糖，佢地有d化到個妝好搞笑，有d就戴面具扮狼人，然後我地仲遇過有鬼仔扮星戰入面既黑武士黎羅糖，但身高差左一截你會覺得點解黑武士矮左咁多既而不禁失笑! 咁佢地通常都小朋友黎敲門羅糖，阿爸阿媽就係後面睇佢地嚇人make sure nothing goes wrong XD，大家都會大聲嗌句 “happy halloween~”充滿歡笑聲。呢邊好得意既係通常呢段時間都係學校既term break，好明顯係比班細佬有咁夜玩得咁夜儘情狂歡，第二日唔使返學，好有人性架!

由於岑日有小小橫風橫雨既情況，黎敲門既鬼仔都唔多，時間點大概係傍晚5點至晚上9點發生，因為其實呢邊5點個天已經黑齊，所以10月最尾一個星期日變返冬令時間筆者覺得係好岩既安排。而筆者又覺得如果無落雨萬聖節氣氛一定更好。咁人地鬼仔黎得我地屋企敲門，我地點都要去敲下人地門trick or treat應下節，咁肥蕎仔就悉心打扮變左snow white，佢媽媽仲比左毒蘋果佢務求成個look full set出哂黎。

第一間黎到對面屋地下整左兩個巨型南瓜，仲要有燈係度閃下閃下，整得好靚又帶點詭異，肥蕎仔興高采烈羅左一粒糖就歡天喜地係咁叫trick or treat好好笑。

第二間屋不得了，簡直係成晚氣氛高潮，屋主係比左一個full haunted experience你，門口有鬼異既綠色光，加埋投影燈投射左白色鬼鬼係佢地間屋度飄，離遠望佢仲係二樓set左部電視播d人影係度閃黎閃去。最正係d乜?! 係未行入去佢地個仔已經係二樓拍窗勁大聲營造有人受困feel，但原來配合埋閃下閃下既白燈佢個仔係扮演緊某套戲既恐佈角色有紅色頭髮又戴左紅色既小丑鼻，氣氛勁正，黎到門口你以為終於可以敲門羅糖?! 少年你太年輕了! 隔離望見有三個垃圾桶，點知原來有一個係機關黎，有科學怪人係入面彈出黎，我都嚇一嚇! 可憐我個囡已經係度講，不如去第二間屋度羅糖好似好d。屋主開住門笑哂比糖佢，佢先 “鋸”返

第三間屋與其話驚嚇，不如話爆笑。話說黎到門口佢地個窗裝飾得超好，大大隻字寫住keep out! 門口又放左塊墓碑寫住RIP 整得好靚，咁肥蕎仔就敲門羅糖，跟住屋主開門，嘩!佢地有4個仔囡著得勁正，成個愛登氏家庭feel，兩個囝囝勁好，放低d糖比肥蕎慢慢揀，然後你知唔知發生咩事?! 肥蕎見到太多糖太開心，佢掉左手上面最重要既道具蘋果係人地個糖果筒度，然後羅起人地既一粒糖，搞到我地同佢地屋企一齊爆笑!

後尾人地掩住嘴笑住話: you forget your apple, snowwhite~ 笑到我地孿左係度。同我地一齊玩既意大利家庭個囡亦都有奇遇，佢地後來去到一間屋因為派哂d糖，佢地比左錢比佢個囡，佢個囡扁哂嘴問做乜要比錢佢，我地聽完之後又係度狂笑，實在太funny。

返到屋企肥蕎仔有d攰淋濕左但又勁開心，相信對佢黎講好難忘，問佢覺得今日點呀? 佢笑住口話: Halloween is fun! 黎緊11月5日又有煙花節，超期待!

我地點玩Halloween? 即刻去片: https://youtu.be/3lG8CJVzUtc

--------- √ 睇討論區有d家庭無糖要出去係咁補貨好搞笑，因為敲門d嘩鬼的確係羅勁多糖 XD!

√ 有家庭派哂d糖唯有派暑片或者派錢，但小朋友唔like，場面爆笑!

√ 好多大型超市包括tesco已經賣緊煙花迎接煙花節，睇黎會超正! 好多鄰居呢排都係咁放煙花，好鬼熱鬧! 放還放，記得注意可以放煙花既地方同埋安全!

---------

#uk #bno #uklife #英國生活 #香港人在英國 #Ukmrpr #manchester #happy #halloween #2021 #trickortreat #candies #potatochips #chocolate #pumpkin #scary