[#52 Chicane設計對道路使用者好不智? 箇中原因係d咩? 渣車經過最好小心駛得萬年船?]

係香港渣左車幾年，唔同路況都遇過，黎到呢邊見到有d道路設計，初頭覺得好不智因為搞到勁塞車，但後尾諗諗下又覺得設計得幾make sense。

好似圖一咁，本身雙線對向行車既路，係黎到住宅區前就會有個咁既勁窄既位，只容許一架車通過，普通車都一定會收油減慢勁慢咁過，如果你架車係矮身d類似跑車既，就更加會超慢咁過，因為司機位去睇呢個位係勁窄，會比一個錯覺你係好難先過到。如果你唔想揩花架車，基本上都肯肯定超慢超慢咁過，因為噴油都起碼幾百鎊，單單呢件事我有三個聯想。

1. 呢邊多d人買suv，除左視野高d闊d，對睇呢d chicane都好有用，會有信心d咁過。

2. Local 買車偏向買細車，除左各方面皮費慳d，泊車易d，不難想像過呢d位都容易d。

3. 如果你係外區人入左呢d區又見到呢d位，一定會收到勁慢咁過，甚至係搵過另一條路過或者落車睇位，筆者第一次過呢個位個時，個時對自己架車既呎吋未係話太熟，請左太太落車睇位，然後係我前面架車都有鬼佬白人請左佢老婆落車睇位。後來我勁熟我架車之後，就唔使落車都得，但我都收到勁慢先過，驚揩花，唔知大家有無咁既經驗? 而當時落車睇位帶黎乜後果? 就係前面後面都有車龍，但大家好似好有默契無boot過其他人。

咁我係呢d chicane位觀察到d咩現象呢?

1. 逢親返放工或者天氣唔好視野差呢d路口位都塞車，因為每位駕駛人士經驗都唔同，又唔一定了解自己架車，睇人過好似好易，自己過個時就知都幾窄下（好似世事永遠都係咁... 有小小似睇人高台跳水好似好易，上到去淆哂底)。

2. 過得快個d通常都係住個區既人，每日過慣過熟。

3. 有司機係混路行退車，但條路又勁窄勁多車，三手調頭都唔容易，仲要peak hour。

4. 有d司機係好似圖二咁，係對面行車線闊d個面過，我親眼目擊，所以都幾牙煙，因為要行過對面線。

其實條路咁樣設計，都幾阻慢個交通，但對住係呢個區既人黎講係幾好，因為避免左以下情況。

1. 住係度一定唔會好似屯公咁成晚飛車聲，呢d位通常都靜d，因為你點都要收慢，而你入左住宅區香港就通常有speed bumps，呢度就地下道路設計有突起既小斜坡仔，等你唔行得快，安全d，就算炒車都無咁甘。

2. 車流少d阻隔陌生人security好d，如果唔係係度住既居民，曾經黎過既都會選擇第二條路行，非必要唔入。

3. 一定唔會有大車。

--------- √ 由於筆者架車比較矮身同闊，而家過呢d位都係龜速咁過。我亦親眼見過渣靚車既鬼佬好謹慎咁過，好似玩緊game咁，諗諗下其實幾好笑!

√ 我做左research但搵唔到呢d位既正確名稱，所以叫住road block先，你又知唔知呢d位叫乜野? P.S. 多謝網友Vincent 提供岩既名稱，佢地叫Chicane。

--------- #uk #bno #uklife #英國生活 #香港人在英國 #Ukmrpr #manchester #speedbump #roaddesign #slow #quiet #security #residential