[#54 用debit卡有1%回贈? 買amazon高至3%回贈? JP Morgan旗下美國銀行Chase 英國戶口你申請左未? 仲有得抽獎咩料子?] [不是廣告系列]

Sam Fang
Apr 3, 2023
3 min read

話說臨近聖誕都同大家一樣想出去感受下英倫聖誕氣氛，於是乎就帶左肥蕎仔出去市中心行下，呢日黎到曼城市中心Arndale商場，發覺周圍都已經佈置哂，有好大粒既聖誕波波又有聖誕老人同埋雪人等等，節日氣氛濃厚，周圍都開始播緊聖誕歌，堅係feel到Santa Claus is coming to town~

行行下就見到Arndale商場中間有個類以Chase既booth，同尖沙咀海港城中間個位成日搞活動一樣，呢個一望一睇就知係Chase銀行近排賣廣告賣到全世界都知既Chase Octagon 體驗中心，我都呢度簡單介紹下Chase係美國銀行，係JP Morgan投資銀行旗下公司，唔係猛龍唔過江，早係9月就推銷佢係英國推出既數碼化電子銀行戶口，同monzo、starling等等戶口既形式一樣。

我見佢話張卡用頭一年都有1%回贈而且排隊體驗個booth既隊得小貓三四隻，我就諗住體驗下睇下有咩睇。(其實係做公關既工作嚐好(職業病)黎，會周圍睇production同埋試新野)

排緊隊期間我就download左佢個app申請埋戶口，因為佢需要既驗證只係車牌同埋我自己既一張selfie，我見好似好簡單好直接就申請左，佢有個講解張卡既野既工作人員又幾風趣，於是乎好快搞掂申請仲話張卡好快寄到黎 (前後用左四個工作日寄張debit card比我到我地址)。

好快就入左個booth，原來係d互動遊戲，岩哂，因為我太太同肥蕎都係度，超岩佢地玩，我一於係埋邊拍片，玩緊期間成功 “擊破”好多彈出黎既波波，以為玩完出返去點知迎面有舊野可以羅走，係有個Chase logo類似紙鎮既物體，出到去撞返岩岩個工作人員，笑笑口問我好唔好玩，正當我想答佢之際，佢仲話我地憑住舊紙鎮可以抽獎，每個禮拜有一個幸運兒可以獨得1000鎊，每日就有三個幸運兒有100鎊，抽唔中都有安慰獎每人5鎊。我開玩笑咁話如果抽中1000就分埋比佢地，然後我就比肥蕎仔放個紙鎮落佢個收銀機度，好快就有結果啦!

你估下我地有咩獎?! 實在太開心啦! 講緊我太太，因為每人5鎊加埋15鎊佢唔使煮晚餐直接商場食five guys，工作人員隨即比左三張每張5鎊既商場gift卡我地。

所以如果你都想申請既話不妨趁呢個禮拜都去Arndale碰下運氣，分分鐘抽中1000鎊。上佢官網睇，原來同期倫敦、伯明瀚、Bristol都做緊promo，祝大家好運~ (無收廣告費，但如果有得抽獎，why not?)

Westfield London, White City – The Atrium 18 December to 28 December 2021

Cabot Circus, Bristol – Central Space 9 December to 14 December 2021

Bullring, Birmingham – Rotunda Square 11 December to 28 December 2021

收到張卡覺得幾靚仔，無number架，要搵卡number就入返個app度睇，簡單就是美，用過個app覺得同monzo及starling一樣操作咁方便。

有媒體報導話就算唔見卡都唔緊要，入app report lost之後就可以generate新既card number。(但我唔希望我唔見卡)

--------- √ 頭一年activate offer，用佢張debit卡買野都有1%回贈，交水電煤費個d唔計、買車或者賭博都唔計，但例如買衫買鞋買消費品就通通都有1%回贈，詳情都可以再double check下佢個條款。

√ Amazon UK買野有3%回贈，岩哂有咩事都上Amazon買野既你。

√ 申請戶口免費及免年費。

√ 外地用卡唔會有手續費，如歐洲、亞洲。

√ Chase戶口係有英國既£85,000 存款保障。