[#64 咚咚咚咚撐! 咚撐! 咚撐! 咚咚咚咚撐! 幸運遇見醒獅齊舞迎新歲! 祝各位讀者瑞虎豐年萬事勝意!]

炮竹一聲除舊歲，農曆新年梗係要熱鬧下，人在英國，除左係唐人街睇下大紅燈籠高高掛，點都要去茶樓飲下茶食返個開年飯應下節。

嗌左勁多點心，發覺點心非常有水準，我太太話仲好食過榮業行，墨魚餅筆者更加係一食再食，因為呢度唔係粉，堅係勁多墨魚肉。食食下就聽到炮仗鑼鼓咚咚聲!

話說其實仲係租緊屋，虎年新年無乜點佈置，連利是都唔係封左好多包，今日返完part-time就湊埋肥蕎仔去太湖飲下茶。早兩日係學校佢先學識咩係lion dance，新年期間佢仲學識左見人要講: 虎年快樂，虎虎生威! 之外，學校教左佢農曆新年係有舞獅架!

舞獅其實代表咩意思? 翻查典藉，舞獅係一種「把一切邪惡之靈都嚇跑，並帶來好運」既舞蹈，同時有「祈求神明的庇佑」，代表住新一年既好福氣同好財運。

今次飲茶既時間勁好彩，咁岩遇著財神爺同醒獅團表演，肥蕎仔仲可以「零距離」同獅子互動，印象超深! 佢仲睇到舞獅食左粒大白菜噴灑去現場食客既情節，堅係採青，招財開運勁開心!

有別於過往睇舞獅總係人山人海，由於筆者唔太高大，睇舞獅都無乜臨場感，今次呢個體驗堅係為虎年締造一個好開始。

筆者亦希望同大家分享呢份喜悅: 歌歌舞舞共歡慶，杯杯要勝共歡宴，年年歡樂，歡樂年年!

---------

√ 如果食點心，墨魚餅、太湖流沙包及蝦角是必點! 食到舐舐脷~

---------

_______

Recent Posts