top of page
Search

[#68 Mortgage系列 - 英國做最低工資工都借到mortgage? Lender包羅萬有總有一間會岩你? BNO先借到咁特區又借唔借到?! 上集]

係受訪左幾次講左英國職場既野之後，今次終於輪到筆者主動出擊訪問返人啦! 訪問邊個同埋訪問D乜? 之唔係香港人最關心既買樓羅。買樓既野大把人拍片大把人講啦，使唔使又講多次呀?! 無錯，因為坊間實在太多資訊，而香港人又真係勁有錢，下下都FULL PAY，連地產經紀都話市道勁好，多左好多cash buy，咁唔cash buy 可以點做? 當然就係借mortgage啦~


個個都借mortgage，唔通個個都想借mortgage咩? 一炮過當然好，唔使煩，特別係英國買樓郁親都起碼三四個月，真係頭都大埋，cash buy簡直好處多多。但係你話大佬，個個都咁有錢咩，而家資金有限喎，借下mortgage槓桿下留返d本穩陣d! 所以今日同大家探討下英國借mortgage，但係戴返個頭盔先，呢d全部個人第一身體驗，唔排除如果你申請係會有另一個處理方法，畢竟每個人既財政狀況唔同。


黎英國前，有去乜sir嘜sir英國買樓攻略班，發覺堅係雷聲大雨點小，仲要做會員勁拿利先用到乜sir既資源同團隊，未出師先自損3成，唔掂噃，又話要每個月起碼賺超過2000鎊人工先借到mortgage，所以黎到後堅係無借mortgage既打算，一黎咁易搵返2000鎊以上人工咩? 二黎聽講搞勁耐。


然後神奇既事情發生了，當我份賭場工做滿三個月，而我又不停出發睇樓之際，有日屎忽癢走左去halifax問 (因為坊間都話halifax係最易借到錢)，發覺原來最低工資工都有機會借到mortgage，前題係你無任何負債、無供緊其他野、你每個月使費勁少、credit score唔差...etc。然後我就夾埋Vivian一齊申請試下諗住可以借多d，然後去到最尾一步發覺，有部份lender，例如Santander，係會要求你係HRMC度申請返個稅務戶口，要係個度generate一份pdf，描述左你既收入同交既稅先可以繼續proceed application，我渣bno就當然係無問題 (因為申請戶口係需要五樣文件入面既兩樣，請見下面:

UK passport payslips or P60 Self Assessment tax credits and Voice ID Northern Ireland driving licence


問題在於如果渣特區係比較麻煩先申請到呢個戶口，簡接地表示渣特區係要睇彩數，要lender唔要求睇你稅務戶口既野至得，但呢個可能性好微，因為好多lender都會要求睇呢樣野，例如Barclays。如是者，由於夾唔到Vivian既收入，Halifax直接話收入太低可以返屋企訓覺。


讀者睇到呢度係咪想媽聲四起? 又話最低工資借到? 唔好燥住，睇埋落去。


好啦，點解我會知Santander同Barclays? 事緣逐間逐間approach實在太煩又費時失事，我搵左個mortgage broker，佢會幫你compare最好既deal比你揀，又會比下advise你乜野deal好d。


事先聲明，有d broker係要比費用既，有d就會係o係你個case成功後rebate一d錢比個broker (例如 L & C Mortgage就係咁操作)。有人可能會問: 咁好既?! 唔使擔心，全部羊毛出自羊身上，因為o係你借錢個plan上面都有手續費用係要比既。


然後我就經 mortgage broker申請，初頭都以為唔得，因為halifax已經話收入太低唔得，但我抱住不到黃河心不死既精神問問問… mortgage broker又話ok! 我既案例係借到45000鎊。


---------

√ 如果你係BNO，可以係HRMC個網登記時揀government gateway 或 GOV.UK Verify，通常lender會要求government gateway既形式。點解? 我都想知，如果有讀者或專業人士知道請不吝賜教。


√ 最低工資工假設扣除開支都可以借到4-5萬鎊，如果有香港人係資金唔太多既情況黎到又只係打住臨時最低工資工，唔使擔心架，做滿三個月野就去申請試下，記住，如果你既工作係permanent contract會好好多，否則起碼計你半年至一年既糧單先會借錢比你。


---------

*太長，未完待續...


**文章起始話訪問左一個人，人呢?! 其實筆者成功邀請到一位現時做緊mortgage broker而且已經做左幾年broker既澳門朋友同大家講述係英國做mortgage要留意既地方，佢做野好仔細，筆者剪緊片，好快會加條link係度 – “https://www.youtube.com/watch?v=kDabxnF_0pw”。


***歡迎讀者分享自己借到幾多，文章旨在拋磚引玉












 
 
 

Komentar

bottom of page