[#70 Mortgage系列 - 借mortgage其實無想像中咁難?! 點整靚份credit history? 呢個咁複雜既市況黎緊會否瘋狂加息?! 續集]

大家實在太關心自己有無一個美好既棲身之所，因為衣食住行，住都講緊排第三咁重要，坊間實在太多所謂乜乜公司出黎講資訊，筆者唔知真定假，但只係想分享親身申請mortgage成功既經歷比大家，等大家做好心理同身理準備，黎到知道點apply、幾時apply、門檻同埋條件係乜。

上回講到我終於剪好條片找左數，但條片太長，今日終於出到第二條講比大家知其實借mortgage唔係想像中咁難，permanent合約做三個月就基本上可以借，part time同散工就要半年或者係要12個月糧單先得，大家做好準備過黎，知道幾時做d乜以及做乜野工作對買樓借錢非常重要。

同阿俊傾左，借mortgage基本上成年後有工作就借到，所以係香港既候生仔唔使擔心過到黎買唔到屋，起碼一定易買過香港d樓，例如一對情侶都係bno，黎到無乜使費做最低工資工都已經借到8萬鎊，加小小積蓄去遠少少係Wigan或者利物浦都仲有平樓排屋或者apartment大概8-9萬鎊可以買到。

之前有讀者爆哂粗話點住人呀8萬鎊d樓，媽到我飛起又話我係9upper，然後有其他讀者問佢想買乜野樓，佢話起碼買曼城附近大區stockport或者salford 比較新同靚個d樓先會住... 大佬呀! 無積蓄又要住近市中心既超方便既區，又要靚，咁你梗係買唔到樓啦，你係一世都唔會買到樓添，情況等於香港岩岩出社會做野，逗萬幾人工但話要住灣仔或者太古城，有父幹係得既，但你無羅，然後又唔可以屈就住一d無咁靚既樓先，咁你咪一世做租租幫人供樓羅，無野既係咪?! 係你自己既選擇黎。

了解自己能力，做能力做到既野好重要，好高鶩遠，又唔調整自己心態，淨係識抱怨話社會唔公平，講真，誠哥都唔係第一日就超有錢啦?! 越早調整心態，越容易掌握自己要做既事，因為呢個社會除左IQ，EQ都一樣咁重要。

離左題添，同銀行借到錢都要有前題架其實，就係你個credit score要ok，份credit history要靚仔，點做到? 基本上準時交水電煤council tax單，登記做選民、申請一張ae credit card每個月碌十幾廿鎊準時還錢，咁你個分數就會澎澎聲升上去。我試過一個月加左90分。(experian同credit karma都係免費申請account，credit karma仲可以jam份credit history report出黎，nice!)

近排加左起碼兩次息，我地唔係神，唔知黎緊會唔會再瘋狂加息加上去，做好風險管理，衡量自己還款能力同搵錢能力就可以去馬。個人分析係起碼加多幾次，因為銀行水浸得緊要，但係瘋狂加個人就覺得會難d，會容易冧市。

---------

√ 唔同lender對你居住英國既年期有唔同要求，但起碼你要揀2 year fix或2 year variable既plan黎保障佢地利益。

√ 要bno先申請到，特區唔得，因為有部分lender會要求你申請HRMC稅務戶口 jam份report顯示收入同交稅情況，特區係搞唔到。

√ 利申我係無收任何廣告費/私佣，同大家分享阿俊contact係因為佢係澳門人，幾岩傾又勁nice，大家有問題都可以問佢。

√ 仲有一集未完架，下集會講埋有乜野銀行提供mortgage同埋佢地審批既態度，以及係買樓流程咩時間入紙申請mortgage係最好，請密切留意~

---------

#uk #bno #uklife #英國生活 #香港人在英國 #Ukmrpr #manchester #mortgage #IQ #EQ #riskmanagement