[#71 天氣不似預期但要走總要飛?! 曼城Salford City Airport想學小型飛機定直升機任君選擇?! 春夏兩季睇飛機升降簡直賞心樂事?!]

衝上雲霄係香港人心中相信都仲係神劇黎，仲記得如果去旅行咁岩遇著風雨係香港機場打卡都一定會配返首歲月如歌，而家聽返有時都仲會起雞皮，當年我諗有好多人都因為套劇走去做空姐或者機師。

今日天氣勁好，即時諗到去呢個city airport睇下。英國夏天最正係天晴+無乜風，陽光明媚視野良好，最岩就係渣飛機。黎到呢度有個草地，一邊野餐一邊睇飛機升降簡直係賞心樂事。呢度勁識做生意，因為有間café+pub，買左杯啤酒chill下陽光底下攤係草地超舒服。

現場都有幾個大型停放小型飛機既倉庫，隔離就有一列排開既直升機，就咁睇都起碼有5至6架，小型飛機起碼10架以上，下面係links可以參考下呢度學渣飛機/直升機課程既時間表同價錢。呢度最正就仲有比local同遊客玩既trial experience，比300鎊就可以試下4座位既直升機遊覽下由上空望下曼城係點、又有780鎊可以望下chester同cheshire castles既直升機tour。我自己對直升機最有興趣，希望等所有野settle down後可以快d黎學下。(相信課程係夏天學最岩，因為曼城呢度秋冬都勁大風)

LAC Flying School

https://www.lacflyingschool.co.uk/

FlyHelicentre網站:

http://www.helicentre.com/

呢度仲有一樣野係幾貼心，就係pub隔離有個比小朋友玩既小型遊樂場，麻雀雖小五臟俱全，對有小朋友既家長黎呢度chill下簡直係如有神助，起碼唔使廿四小時貼住個小朋友先。

如果你對飛都有憧憬過，不妨黎呢度感受下考慮下，但學飛機黎講應該都係得澳洲先係最抵。

---------

√ 識得飛對好多人黎講都係一個成就解鎖黎。

√ 因為自己對直升機勁有興趣，所以一直有本handbook係手，大家有興趣可以呢度下載:

https://drive.google.com/drive/folders/1UQ2QxPAuvIOA_P0JqImkWGuQpLSLRqME?usp=sharing

√ 有野煩既話黎呢度睇下飛機升降心情應該會好好多。

---------