[#72 Mortgage 系列 – 點解有mortgage advisor 好d?! 申請mortgage到有mortgage offer要幾耐? 幾時搵mortgage advisor 最好?!

香港人覺得英國人做野慢，但其實英國人係歐洲黎講做野已經叫做快，所以好多野其實都係相對既。做乜講呢樣野? 因為申請mortgage都好視乎幫你搞個個人有幾快。

有mortgage advisor既好處係有人幫你跟d野，幫你催銀行，幫你睇下仲有乜野文件漏又或者可能某個lender比較picky要你比某樣文件，mortgage advisor既角色都可以預先同你講到，因為佢地處理既case好多，簡單講叫有經驗值，係其他人既case入面已經會睇到或者根據你既工種同埋大概情況知道大概lender會問你羅咩文件，所以有一個好既mortgage advisor做野都會得心應手d。

咁當然，通常mortgage advisor都會收錢，換黎既就係呢d市場消息同埋行業經驗比你，等你唔使等左三個禮拜先知自己同某個lender借錢原來係好大機會唔批。假如你係做左兩個月permanent contract既長工又好急借錢買屋既話，搵mortgage advisor會有peace of mind (呢個係我自己經驗)，亦會慳好多時間，特別係而家樓市咁熱既情況下，慳到時間簡直係重中之重，因為賣家可以唔賣比你，搵過第二條友賣比佢。

另外，好多讀者都有問到借mortgage 既timeline，以我自己為例，文件齊例如銀行6個月statement，糧單，credit report (係credit karma gem出黎)等，前後用左兩個禮拜鬆d，然後就話出個mortgage offer比我。用左三或四個禮拜都未有消息既話，通常都唔批。

又有人問如果直接同銀行申請又點呢?! 程序大概係點?! 首先銀行會同你開個call讀d條款你知完成佢個compliance，問下你每個月供款額幾多係你負擔到，又問下你有無loan，亦會問下你有無持續開支/commitment (e.g. gym membership)，黎去計下你既淨收入係幾多。然後就會出個mortgage illustration既文件比你 (同時亦會有hardcopy寄去你屋企)，比你知道息口幾多，每個月還款額，還幾多年，以及借到既總額係幾多。你要記住銀行係好古板，佢唔會比幾個option你去揀，呢方面同香港好唔同，你要引導佢去達致你想做既plan。

例如一開始其實我每個月供600-800鎊都輕鬆既，話左佢聽，變左佢讀完一大揪野比左個plan還款年期係廿年，每個月還600鎊，同我心入面諗既唔一樣，但佢地聲稱咁樣係比最好既advise你😮‍💨。而家美國印左咁多錢，未來既錢只會越黎越平，所以供款額低還款期長係我既心法，但相對上總額黎講你會還多左錢。

所以你要同佢講可能只係供到300鎊，息口一樣既話就要30-35年先供完，佢先會gem到個plan比你係你想要既野比你，其實最好既當然係擺哂所有option出黎慢慢考慮，因為有得揀你先係老闆，但佢地唔會咁做，開call前最好自己計左數先。

有一樣野不得不提既係上集咪講左credit score既，你比左資料準備申請既時候銀行就會soft search你，soft search係唔緊要既，直至你遞application個下你credit report上面就會有hard footprint既行跡。如果一年入面超過5次hard footprint後銀行就會好大機會唔借錢比你，你就可能要搵英國d財仔借，息會高d，但都會有機會借到既。

好啦，決定要申請啦，幾時搵銀行/mortgage advisor最好呢? 建議開始搵屋既時候就好搵定佢地傾計同申請，因為到有mortgage offer之後，個offer會有5個月既有效期比你去提取筆錢既，你計返條數，當你睇岩同做埋search同survey咁你就會係有offer既第三或第四個月去提取筆錢 (你個律師會幫你)，假設你搵屋順利既話。

---------

√ 銀行通常都會叫你比個fee做間屋既valuation，我想買間屋係11年樓齡，無派人去，直接做desktop valuation就得，咁就100鎊，好過去搶。

√ 自己計定數每個月供幾多同埋年期幾多，先好同advisor及銀行傾計，唔使哂時間聽一大輪compliance野先知原來個product唔岩，因為你轉年期同埋供款既話佢又要再up一次…. 會煩死。

√ 最尾筆者係成功係halifax度取得mortgage offer，所以上面寫既全部真實體驗。

√ 利申我係無收任何廣告費/私佣，同大家分享阿俊contact係因為佢係澳門人，幾岩傾又勁nice，大家有問題都可以問佢。

---------

去片: https://youtu.be/8UehaskJgnE