[#77 英國室內遊樂場多到暈簡直係放小朋友電最佳首選? Toddlers 同preschool + tween 分開玩安全感滿分? 簡直係大人小朋友聖地?!]

話說阿囡有時睇youtube見到Ryan’s world成日都問我: daddy 幾時帶我去玩呀? 結果今日即刻搵佢黎Chorlton 既head over heels頂下佢舖癮先。

點解黎呢度? 因為一入去個樂園即刻有兩隻大大既勇士Guard做icon，氣勢都幾磅薄架，聽人講仲有兩條勁刺激既滑梯，勁吸引忍唔住就黎左! 筆者細個個時其實都無玩過波波池，淨係去過荔園餵象象、歡樂天地掉彩虹同埋去海馬公園睇海豚，今次黎其實都叫幾大驚喜。

我幻想如果我仲係細細個有得玩呢d應該會好happy，果然我囡囡肥蕎仔玩到勁開心，最得意既係佢唔係最鐘意d刺激野例如勁長勁快既滑梯，反而係鐘意music room同埋色彩繽紛既舞池，就好似同各位家長耳熟能詳既cocomelon lobby loo的舞池一樣，傳送門: https://www.youtube.com/watch?v=jbBbRjs_niM。

(我明白大家作為家長都應該已被洗腦…)

唔知大家有無試過，戶外既政府公園其實都幾好玩，但有時有d年紀大d既小朋友會玩得好粗魯，作為家長有時可能會擔心阿囝阿囡因為咁容易整親，呢個室內遊樂場一流既地方係佢突登間左個專比toddlers玩既位，仲設有唔同既主題，例如太空、城堡同樂園主題，總有一個岩佢地心水之餘玩得相對安全。

咁當然呢度都有一個開放比全部小朋友既區域，有得爬有得滑，兩個字，超正! 再觀察下，其實英國家長好興放低小朋友比佢地玩，自己同其他家長走去café嘆茶食件cake傾下計，變左堅係win win，小朋友又有得玩、大人又有得休息下，否則如果好似係香港無菲傭既話真係幾係野。

話說條滑梯都幾刺激下，我同肥蕎仔都滑左兩轉，超爽!

---------

√ 兩大一細入場費只係18鎊，玩90分鐘，乜都夠哂皮，大人小朋友都咁開心。

√ 現場有café賣pizza、沙律之類醫肚，但個人覺得唔太吸引，反而book左中菜同老婆阿囡食得仲滋味。

√ 最好笑既事係乜?! 玩完90分鐘肥蕎仔一出黎即刻話要上車訓覺，我同Vivian係度爆笑!

√ 如果有興趣去玩既記得check埋佢有套餐賣，可以包埋lunch比小朋友，總票價計埋會平d架!

---------

一齊入黎睇下我地玩左咩~

https://youtu.be/7wVoQGujd2E