[#81 英國偷車偷電話聽得多，偷埋間屋你聽過未? 簡單兩個步驟輕鬆預防?!]

點偷間屋呀? 你估堅係用衝天救兵個招用汽球升走間屋!? 事實上，英國之前的確有新聞係有人被人呃過間屋，而數字仲要係上升緊。你可能會問，經過咁多專業團隊包括律師、經紀、銀行既關卡，都偷得走間屋? 答案可能好匪而所思，但的而且確係 “偷得走”架。

講下數字先，舊年英國田土廳被迫比左3.5百萬鎊出黎作為對屋主既賠償，騙案數字對比前年升左成66%，仲未計個d未追查到既case，而田土廳繼2016年後阻止左接近200單樓宇騙案，約值115百萬鎊。

屋主只可以話係損失慘重，重要面對超多問題需要解決，堅係頭都大埋。買左屋既業主，可以點保障自己? 又或者有乜野你可以做去預防呢d騙案發生?

1. 田土廳原來有個網站，你可以對自己個地址set一個property alert。作用係如果有任何人以你間屋既名義去做買賣或者做mortgage等等，你都會收到通知，從而知道可能 “有人” 做緊野。呢樣野既作用最重要係天文台既角色，起碼有乜風吹草動你即刻知道左先，從而採取相應既行動。

大家去上面個網址登記戶口，然後幫你買左既屋企地址set個alert，咁以後有乜依郁你都會知，呢個服務係免費既。

2. 第二樣就更加重要，係身份認證黎。你可以禁止田土廳對你個地址買賣或者登記mortgage，除非有律師認證任何一份買賣或者按揭申請係黎自你，簡單講即係要身份認證，牽涉到更加嚴謹既認證程序，變左無咁易被騙徒過到骨。

嚴謹d既野當然就要錢，入上面網址所需既表格再加40鎊，叫做買一份超重要既保險。

***

之前疫情搞到大家全部wfh，騙徒就係利用呢個機會黎犯案，因為唔係所有野都需要見面認證就容易制造到偽造文件既機會，被佢地有機可乘左。

如果你懷疑被人呃左，千祈唔好等，同田土廳+差佬報案。

HM Land Registry property fraud team

reportafraud@landregistry.gov.uk

Telephone: 0300 006 7030

Monday to Friday, 8am to 5pm

Recent Posts