[#83 買左屋後買唔買家居保?! 家居保保d乜? 保費每年二三百鎊值唔值?]

英國既屋其實面對既風險都幾多，因為塌樹、水浸、雷擊、颱風整到間屋既新聞真係時有聽聞，你知啦屋仔特別係整個屋頂係需要最多錢，所以好多時本地人買左屋後都好興買埋building insurance，但求買個安心，起碼有乜事上黎都有瓦遮頭，仲可以攞返舊錢維修/買過間屋仔。

我地搬左黎無幾耐就識左附近d鄰居，話說有個女仔係我地條街學緊roller，然後傾傾下計期間佢就透露左原來佢之前間屋係風暴期間被大樹壓冧左個屋頂，初時唔為意諗緊點解間屋凍左咁多，後來先知屋頂穿左個大窿，仲要用水筒去接水，佢話諗起都覺得好笑咁話。後來佢屋企收到一筆款項，結果就買左係我隔離過幾間既屋仔。我地當場聽到o哂嘴其實，因為風暴仲要塌樹，你都諗到佢當時應該好狼狽，所以點解人買屋你買屋記得留意屋仔附近大樹既風險。

今次點解講家居保? 事緣我帶左香港部電視過黎，然後租屋期間一路都好地地… 一搬左之後意外地整到部電視搞到個mon部分損壞 (如圖)。我老婆提我先記得我除左building insurance，我亦買左contents insurance，變相我可以claim保險。雖然有自付額200鎊，但都叫做羅得返部分錢，結果aviva個home insurance係我填哂d野之後睇埋電視既損毀相片後，人都無派黎檢查部電視直接offer左200鎊既argos voucher，我當然accept左。(部電視5年前香港買大概8000，而家買返同型號400鎊就得) 結果係我覺得仲用到無買到新電視，反而用張voucher買左其他野。大家要注意，claim左既話下年再買呢個保險就要填claim過乜，保費都會增加。

好啦，大家可能會問，你個contents insurance保唔保埋屋企d貴重野? 其實係quote價既時候你係可以quote埋加埋入去，但就要逐樣填，當然保費都會高好多。鑑於英國既屋真係唔適宜放貴重野 (相信大家都睇左各大youtuber既片叫人唔好放金條或者撈係屋企)，我個contents insurance只係保普通野，claim既上限係一件1500鎊。我個保費兩樣加埋building + contents就二百幾鎊，接近300鎊，個人覺得接受到。

好啦，個building insurance其實仲可以加保大家日日都用但可能忽視左既野既emergency cover，即係boiler、去水喉、電箱、電heater等等，呢d野有咩意郁都好麻煩，所以我都比錢買左個安心，當然啦平時我都會幫呢d野做service預防會變壞既風險外。

講真，買保險，邊個想有事claim保險? 所有野通常都好煩。但今次Aviva Claim保險煩唔煩? 全程網上填野搞掂，搞完之後第二日有個agent打比我問details，佢就話aviva有間外判公司會聯絡我，叫我上某個網上portal登記戶口，講述事情發生經過同埋上載單據及物品損毀程度。

結果前後只係搞左3日，佢就比左offer我，扣除200鎊自付額，賠199鎊argos voucher。呢件事係點厘定? 就係睇下market上面邊度有差唔多款既型號電視，按返時下價格賠比你。今次呢個claim大大增加左我claim保險既信心，亦都不枉當初比貴少少買aviva既保險，因為當時其實仲有其他保險公司offer 家居保，仲要平d，但網上風評好似始終aviva好d，起碼電話/網上online chat有人會應你機。

---------

√ 平既野既好處除左平之外，通常都無乜其他好處。

√ 貴既野通常都有佢既價值，而價值未必係其他野可以取代到。

√ 香港都有claim過保險，Aviva今次claim既體驗都快捷順暢，我認為值得推介。

---------

#uk #bno #uklife #英國生活 #香港人在英國 #Ukmrpr #homeinsurance #peaceofmind #homesweethome