[#89 中伏了! 睇人pk最開心? 英國租屋誤信"土生土長所謂香港人"?! 間屋有幾惡劣?! 經營手法猶如打劫老屈?! 點樣見招拆招最好?!]

租屋應該係好多香港人過到黎英國既指定動作，筆者過去一年非常之唔好彩地中伏了! 點中伏? 筆者又係影片入面講左乜野地產agent既三大死罪?! 即刻睇片!

事實上，租屋真係要做好多野保障自己，猶其係遇到唔老實既經紀。筆者亦因為遇著呢個經紀搞到破財+哂左好多時間，有時第一步要做既反而唔係搵盤，而係睇清楚間經紀行係點樣營運，有無乜野唔對路，如果講野不盡不實或者模棱兩可，真係要小心防範以免跌入騙財陷阱。

另外，心急真係會做錯好多野，租耐d airbnb或者比多d時間自己做決定會好好多。筆者亦反省左自己好多次。

租屋一般黎講都要比5星期deposit做按金upfront，但坊間而家有所謂reposit既system，係比錢一種所謂獨立第三方黎去管理彼此間既關係，如果有乜事或者投訴，例如租屋整爛野業主要claim租客錢，或者完約業主覺得清得唔乾淨要claim租客清潔費，業主都必須經呢個系統黎去做一系列既動作及提出證據，理論上有獨立第三方去判斷會客觀少少，唔會令到租客處於一個不利既情況，但代價係要比一舊錢，唔會refund的。筆者係呢個case入面初頭都覺得咁既制度好好，經紀亦有話會refund，但後來先知原來唔會refund，所以好多野自己都有責任睇清楚，唔好信哂經紀片面之詞，否則好容易破財。

筆者租住期間都有大大小小既野要整，但通常都要等好耐，請記得係入住前check inventory report，亦要拍低所有大大小小唔妥既地方，因為完約既時候經紀通常都會黎料claim呢樣claim個樣。

點解? 因為筆者超級好彩，完租約被經紀claim 324鎊清潔費之餘，仲話單位入面有野未清，但叫佢提供相片又比唔到 (全部對話有電郵記錄)。事實上，臨離開單位前，筆者已僱用專業人士清潔，亦攞走哂所有野，因此懷疑佢地點都會出一張咁既清潔單比客，有d當然直接比錢乜都唔check費時煩，有d會據理力爭就好似我咁。翻查經紀既google review以及trust pilot，有唔少都只係比得一星，話間野超唔pro仲亂收錢，因此筆者有理由懷疑係有大批苦主租客係受到呢間野騙財。

題外話: 佢地交個盤比你個時都仲係超污糟，但expect你完約要清到超乾淨比佢，咁既邏輯你接唔接受到?

-------------------

-有人同你講佢係土生土長香港人，就咁睇土生土長四個字你都知道佢唔係土生土長。有邊個香港人而家仲會咁講呢四隻字咁老土? XD

-保障自己非常緊要，嚴check inventory report，有咩事一定要email溝通留低白底黑字，否則下一個中伏就係你，當然唔少得周圍拍片、影相，呢d footage一定要有日期

-check google review睇清楚經紀風評好緊要，當時移英實在太急筆者都漏左無睇加上人生路不熟，事後已經不停自責，但經一事蔡一智，以後汲取教訓知道點做就得。

-------------------