[#92 吞波驚魂! 阿囡生日誤食有磁石既膠波?! 照X光搵唔搵到粒波?! 誤服磁石可以好大獲?!]

阿囡肥蕎仔岑日4歲生日，做老豆既當然要帶佢去玩下，然後就去左Haigh Woodland Park，唔止有沙池，仲有迷你golf場，最正係佢仲有高空飛索同埋繩網，可以話係大人細佬都超岩玩，個度仲有個迷你火車可以坐一轉，但就星期日先開，否則係呢個country park坐一轉都其實係賞心樂事黎。

玩完非常開心，又食左生日大餐，肥蕎超級滿足，返到屋企仲收到朋友送既生日禮物，係一set可以砌又可以鍛練腦部發展既磁足拼砌組合，組建管道之後就可以放磁石波比佢由頭碌到尾，對小朋友黎講砌完係非常之有成功感，大人玩都好爽。

話說廚房食完野之後我就同我太太傾陣計，其間阿囡就走返出廳度玩呢個玩具，過左一陣就突然聽到大喊聲，我地就出去睇佢咩事，佢不停想好似嘔d野出黎，總之就作嘔作悶，又話食道哽住d野，狀甚痛苦，但岩岩只係食左蛋糕同腸仔點心，照計好難哽到。

由於佢細個過黎，中文唔太靈通，然後英文講d唔講d，中英夾雜，我地問佢食左乜又講唔到，佢不停話要漱口同埋話要刷牙，我地驚佢哽親所以施展左兒童既哽親急救術，好似好d，但依然係咁怪叫同埋又喊又盛，我地於是環顧四周，發現set玩具既三粒波入面粒橙色波無左。

我地即時問佢係咪食左粒波? 佢用英文答: yes。然後我就嘗試模仿放粒紅波入口，其實真係好大粒對大人黎講，對小朋友黎講照計好難誤吞，同埋之前不停教育佢唔可以吞玩具，比哂片佢睇話好恐佈又告誡佢千祈唔好咁做，於是乎我即場地氈式搜索成個客廳同廚房，竟然乜都搵唔到，當堂滴哂汗，膠波都好d，但膠波入面有磁石就不是開玩笑，因為上網睇過太多case誤吞磁石都要開刀羅返出黎，因為會破壞消化器官。即場叫媽媽都搵下，因為可能係我粗心大意，但佢都搵唔到，問肥蕎放左橙波係邊，佢話係肚度，我地都o左嘴。

無辦法唯有去一趟醫院，時間係晚上8點，即時去左a&e，原來英國小朋友急症係有一個部門叫children a & e，係個度登記入到去對比成人部少好多人，於是乎就等，無獨有偶地隔離小朋友都係誤吞玩具，但唔係波，係細小既玩具膠零件，望落去又係無乜大礙。anyway等左個幾鐘之後等待期間問肥蕎仔見點，情況好似有緩和跡象，但呢個時候口供有d唔同。

Sam: how are you feeling? Is it still painful? (pointing to her chest)

肥蕎: yes

Sam: where’s the orange ball? Is it here? (pointing to her chest and tummy)

肥蕎: (係屋企本來話yes，而家佢突然問返轉頭) where’s the orange ball? 見我問係咪係佢肚度，佢答: 無呀 (呢個時候又用中文)

我同太太互望一眼，問多一次where’s the orange ball? 係咪係tummy?

肥蕎: 無呀! 係house呀!

我地即場 “下” 左出黎，但由於我同太太都地氈式搜索左無發現，而家唔知信肥蕎好定點好，我地當然寧願佢係false alarm。於是乎點都照一照X光穩陣D。呢度睇醫生同姑娘，佢地同小朋友溝通都好好，全程係氣氛輕鬆同開住玩笑咁對答，變左小朋友都好以玩緊咁，一D都無緊張或者好大件事既感覺，醫生聽心口既聲同按壓肚仔既動作變左都好輕鬆咁完成，照完X光仲比左張青蛙貼紙讚佢乖，但醫生問佢粒波去左邊佢依然答係肚度，呢個時候佢既口供有差異令到我地好confused。

做完所有檢查肥蕎既狀態同初初有好大分別，係佢已經好返好多，又跳又叫又同隔離小朋友傾計，然後醫生又話x光睇唔到有金屬係肚入面，我地一頭問號，但好彩只係一粒膠波，如果吞左兩粒磁石膠波就真係no good，方案一等佢自己排出黎留意之後兩三日既便便，方案二如果呢兩日有乜異樣發燒或者嚴重腹痛可能要即刻返去覆診，無辦法只能夠打道回府，時間已經係晚上11點半，用左三個幾鐘。

返到黎我唔死心繼續不停搜索但都依然搵唔到粒波，問肥蕎係邊，佢又問返轉頭 where ‘s the organe ball搞到我地哭笑不得，見佢無乜異樣，太攰既情況底下唯有訓先，太太係夜貓接力搵。

第二朝醒左睇老婆既wtapps發覺，粒橙色波竟然出現返! 佢實在太細心，聰明既讀者你估粒波係邊?! 佢話佢足足同我一樣搵左成粒鐘但今次搵到thanks god!

就係咁，呢趟醫院之旅簡直係為肥蕎仔既生日劃下又驚又喜既完美句點。

-------------------

✓ 醫生姑娘超細心，對小朋友有一手，令佢地乖乖應診唔會對醫院有不良印象

✓ children a & e 用左三個半鐘，比香港私家慢，但係英國黎講叫快

✓ 小朋友既磁石玩具要好小心，誤服既話真係有太多case係要開刀取出，特別係如果誤服兩件或以上

✓ 新發現屋企附近間大醫院原來無a&e，要渣10分鐘車去隔離個鎮仔先有，出發前check NHS 111 穩陣

-------------------

肥蕎仔前科: 累老豆差d入差館?!

傳送門: [#19 我個VISA要收皮了?! 我差d就被差佬拉?!]

https://lovfang.wixsite.com/ukmrpr/post/19-%E6%88%91%E5%80%8Bvisa%E8%A6%81%E6%94%B6%E7%9A%AE%E4%BA%86-%E6%88%91%E5%B7%AEd%E5%B0%B1%E8%A2%AB%E5%B7%AE%E4%BD%AC%E6%8B%89

阿囡，其實你係咪驚你老豆無野寫? 我仲有大把貨大把片等緊出，唔使加重我工作量架其實。(滴汗)

#uk #bno #uklife #英國生活 #香港人在英國 #Ukmrpr #children #hospital #sincere #service