[#1 the first home away from home - Airbnb篇]

係咪覺得我住係前面呢間大屋呢? 我都想 XD 話說我係bnb住左廿幾日，最尾因英國呢邊租屋實在太麻煩同埋我遇人不熟，搞左兩個星期，仲要十分驚險，稍後一定會同大家分享，而我bnb呢度係需要延期居住先可以搬入租盤，咁岩屋主呢間大房有期，我先可以lucky地唔使再搬一次，thank god!

出左條片講而家bnb預訂情況及預訂機場接送車，希望幫到黎緊會黎uk既人，傳送門: 我住既airbnb house tour 大公開! | 而家book airbnb聽講越黎越貴? | 點樣book機場接送車先唔會做水魚? | 住house係咪真係好多蜘蛛? | - https://www.youtube.com/channel/UCDIhO0JrstXzy1njvsnH4Dw

我住既呢段期間其實發生左好多趣事，包括巨型昆蟲飛入屋，肥蕎仔開始學識唱粗口歌，以及Vivian竟然用到微波爐煮飯，你無聽錯，無電飯煲用微波爐煮到飯，有飯食 XD 我都覺得好神奇點解佢整到咁多中式野食。我地deliveroo又有嗌fish and chips，第一次食唔識揀左間伏既，個時以為國菜竟然咁難食真係堅失望，點知之後揀左間google review 5星好評，唔試都還好，一試超難忘，勁好食，一舊魚+chips，係可以變出魔法，哈哈，慎防我係因太肚餓所以覺得佢好好食，我之後有再食一次，係好食架! 我地住既期間亦嗌左其他野，發覺超市買既pizza係好食過pizza hut，然後肯德基係勁好食，肉質鮮嫩，不得了，係麥記同香港差唔多但要賣100蚊港紙。Anyway，Vivian既廚藝係呢廿幾日簡直出神入化，唔嗌外賣既日子基本上都係佢打骰，我十分放心唔會食到劣質野。

話說英國罪案好嚴重，我架車係keyless，我夜晚係將車匙放左入微波爐，慎防被人simulate個signal笠左架車走，好好笑。而神奇地，曼城不嬲成日落雨，但我黎左呢三至四個禮拜都係晴天，係好舒服，係朝早8度難頂d，日頭都有20度，開車係開窗，涼風送爽既感覺! Bnb附近其實都係中產區，有鬼妹係條街跑步既地方就代表相對安全，所以係好放心，加上認識左屋主Sandy，係十分nice，所以揀屋黎講揀區好重要，因鄰居十分重要，下次我地會講我地租屋遇到乜野屎忽agent同埋Vivian如何慧眼堅持某間屋令我之後都對我租既呢間屋改觀。

#uk #bno #airbnb #housetour

_______ Facebook: fb.com/Ukmrpr Instagram: instagram.com/ukmrpr/ Youtube: https://youtube.com/channel/UCDIhO0JrstXzy1njvsnH4Dw