[#132 What 3 words比google map更容易搵到目的地? 用佢有咩好處? 邊個用緊呢樣野?]

Sam Fang
Apr 5, 2023
2 min read

話說筆者係英國渣車或者有時去旅行，成日比google map老點，例如去一個retail park入面既argos，佢有時會點左我去retail park 間argos既後面，攪到去到一頭霧水要再撻車先搵到真正argos既門口位置。

然後呢排book緊酒店諗住黎緊5月有假放可以趁夏天遊下英國，格價睇緊住宿既時候去到premier inn網站睇睇下發覺有一樣野叫what 3 words。

一查之下發現原來英國警察、救護同消防超過85%都用緊what 3 words，既然公共服務都用緊，一定有佢獨特之處+好把炮。

細查下發覺原來佢用coding將一個地方用3隻字去表達，每一個地方都用唔同既3隻英文字去表達，變左如果公共服務用呢個系統+google map既話，就可以避免出現岩岩初頭講既情況，變左節省時間人力物力去做救援既工作。

佢仲要係免費架，然後3隻字既組合其實足以覆蓋全球所有地方。

----------

例如我搵一間premier inn旅館既門口，係google就咁打個名，就只係show左個location，未必一定係正門，如圖一 / 但用左what 3 words 佢就可以點你去間野既門口，變相精準好多，如圖二 / 圖三用地圖+現場實景比你睇，實無搵錯。Google map + what 3 words配合使用，搵建築物同搵地方就唔會捉蟲。

情景題: 如果你係香港約左男/女朋友

女朋友: 不如銅鑼灣starbucks等啦最方便

你[內心滴汗中，咁q多間starbucks邊間先?] 呢個時候假如你唔爭氣地問多句: 好多間架喎，你講邊間先?

女朋友初頭可能會好耐心: 呢，街角個間呀...

男朋友: 街角都好多間架...

女朋友: BB，你都唔明白我既... (嗚嗚嗚...)

老友，你捉蟲了。但假如你問呢個what 3 words，你就即刻知道係邊度等佢。

最正係用佢個app查完地方，仲可以即刻禁 “導航”制，介面轉至google幫你帶你去目的地門口，省時不費力 + 唔發脾氣既女友，係咪一天都光哂?

[呢篇唔係廣告] [鐘意既就入去研究下]

https://what3words.com/