[#14 你可知時差的最壞處? 一隻GMT錶 / 雙時鐘功能搞掂哂! ]

英國的夏令時間係3月最後一個星期日開始，到10月的最後一個星期日完。

今年(2021年)黎講就係3月28日開波係夏令時間，去到10月31日就完。夏令時間同香港相差7粒鐘，咁冬令就係相差8粒鐘，簡單d講舉個例而家中午12點，香港就晚上7點，到冬令時間既話我地呢度中午12點，香港就晚上8點。

你知啦，香港人周身刀張張利，秒秒鐘幾百萬上落又貿易，又要同香港或者東南亞d人開會，或者仲打緊香港份工，時間要準同埋方便你一睇就知幾點都好重要。

我自己其實一路帶緊GMT既手錶，貪佢地低調得黎時間準，令你唔會錯失任何重要既時間。黎到英國，擰一擰隻GMT外圈，隻錶既第三支針就會指返香港時間，好方便睇。

係呢個人人都有電話既年代，大家都可能用緊apple或samsung電子手錶，亦可以顯示到兩地、三地或者多地既時間。如果就咁電話睇又要點set呢? (Android步驟)

1. 入電話既 “setting”

2. 按入去 “setting”入面既 “鎖定螢幕”

3. 啟動 “always on display”，然後你可以揀 “輕觸顯示10秒/始終顯示/如日程中般顯示”

4. 按入 “時鐘樣式”

5. 揀右下角個style

6. 選擇第一個時鐘樣式，然後按入上面個主螢幕新增其他地方既時間

7. 最多可以新增四個城市/地方 (應該夠哂你用啦?)

8. 呢個時候大家係 “always on display” 就會睇到哂所有地方既時間

9. 搞掂，食碗面

Recent Posts