[#145 – 就黎夏天係時候操弗返個body? 有方法可以一箭雙鵰變fit d + 做善事?!]

3月一過+夏令時間一到，嘩，不得了，真係好似變魔術咁變，忽然周圍陽光普照，日照時間勁長! 霎下眼好快就夏天，屈指一算，唔掂噃，冬天成日厘係屋企儲肥左，得返兩三個月夏天前要操返弗同陽光同水玩遊戲噃。

然後大家都知西班牙同意大利既海灘係幾咁正，尤其係個度d女仔… 不… 我想講水清沙幼+埋陽光簡直係一絕 ! 筆者近日見到Cancer Research UK 四月搞左個每日100下掌上壓既籌款活動，靈機一觸，可以操返之餘，又可以做少少野回饋英國既社區聽落好似幾好?!

早前筆者曾經參加過Warrington地區性既執垃圾活動，想講體驗係幾好，認識到本地既慈性機構同埋組織，同時可以為自己社區出一分力係開心架。於是乎今次膽粗粗sign up左，無幾耐佢地就寄左件tee黎比我，於是就開始左呢個訓練啦。

呢間機構早前對癌症測試同埋癌症治療都有所付出，雖然旗下舖頭賣二手衫黎籌款時有負評話職員懶散，但網上既籌款活動以及佢過往對治療癌症既貢獻都係反應正面既。

想一齊操弗既讀者，不妨一齊參與~ 筆者拍左條片比大家睇我做100下掌上壓既蝦碌樣，有興趣可以留言度睇下。

另外，參與呢個計劃既朋友都會有一個專屬既籌款專頁，款項扣除行政費全數撥捐Cancer Research UK 作癌症治療研究之用，如果大家過往睇過呢度既文章係覺得有用既，不妨係小弟既籌款網 (放左係留言度) 捐小小支持癌症治療研究，就算係1鎊或者10p都係一個善舉黎~ 多謝大家支持!

Recent Posts