[#174 英國人工搵幾多先叫高? 有一個工種既人工surprise地高?! ]

是咁的，呢篇野志在feel下同埋睇下呢度d人係搵幾錢，切勿比較，人比人，比死人，但心底有個概念，對生活同埋認識英倫都會深d。

睇睇ONS年度薪酬調查，最新9月出版既政府數據顯示2023年5月-7月，英國平均人工稅前32000鎊，除返開每個月2666鎊左右。月入中位數就係2253鎊。計年齡黎講30-59歲搵最多，介乎35000至38000鎊左右，男女個pay gap根據2022年就有8.3%。

然後再睇睇全部人口3000萬人打緊工既人工個百分比黎區分搵幾多先叫夠高。搵15000鎊一個月基本上你就係人口top 1%、top 5 %就係7251鎊一個月、再其次講緊多過9成人口搵既錢就係每個月搵5382鎊。至於要搵多過7成半人口既月入就講緊3545鎊。

要注意有好多藍領工收cash係未必計入呢d數據入面，另外，英國好多好多家庭生意又係收cash，所以呢d數據真係參考下就好，未必完全代表到真實情況。

至於咩工種搵得最多，自然係管理層總監高層等title個d屬於管理既工作，然後就係醫療保健人士，再其次係有小小surprise 筆者既運輸 / 司機工作。真心，之前曾經同讀者分享過，筆者對面住既黑人爸爸，渣uber渣到有四房，生左3個，真心厲害。

筆者識既香港人，個個都好犀利! 黎到呢邊，做野開心重要左超多，變左唔係下下都睇錢而需要委屈自己，加上勁多人一係buy to let，一係就收下息unun腳，唔使太大壓力，其實就已經好好，唔使成日計較個人工，夠生活就掂哂。

#參考下 #做uber堅好搵 #運輸係高人工人士 #英國自己做生意人士超多