[#175 英國申請永居要睇埋你有無錢? 本身唔係唔使睇既咩?! ]

話說筆者岩岩睇緊胡思頻道，發覺而家內政部係大家申請永居既時候，係會主動要求你比埋以下文件:

1. 過去6個月你同你伴侶既糧單 2. 你最新既一張Council Tax單 3. 你最新既按揭單 (如適用)

翻查之前英國申請永居既條件 (留言會黏返相關連結)，的確係唔需要提供財政狀況既要求，但近排幫人搞移民既公司就收到內政部呢類既電郵請求。筆者係內政部角度諗，以及早前首相印度哥哥既取態，都表明新移民唔應該黎英國攞福利，而係應該有手有腳係勞動或者專業領域方面貢獻國家。

就咁睇糧單好明顯係睇你有無收入，家庭收入是否穩定，仲要睇成6個月。Council tax單就好明顯睇你有無按時交，以及有無欠交等不良紀錄。按揭單就自然係睇你疊唔疊水，有無購買自己既居所，定係無殼蝸牛。

無糧單點算? 交銀行月結單都得，顯示有積蓄生活係解答問題既第二個法門。Council tax 單都最好入返伴侶個名，到時申請永居都容易d。至於按揭單，查實好多香港人超有實力，full pay間屋，show返田土廳個紀錄基本上就ok，如果租屋既就show返租務條約。

唔交得唔得? 得，但內政部電郵寫明如果無相關文件，佢地就會根據手頭上已有既文件黎去決定批唔批比你，言下之意，可能，有機會...唔批。

既然而家已經知佢會問，相信到時早少少準備，就可以輕鬆應付。

#做好準備 #自僱人士就showselfassessment #開公司既就show返公司信件

留言度有連結可以睇返英國永居/入藉既相關準備條件 / 文件。