[#179 三合一 英鎊 + 美金 + 港紙活期高息戶口! 你搵到未? ] [長文慎入!]

數數手指，話說之前筆者介紹過既幾樣私心推介，讀者都勁鐘意，包括octopus慳電慳煤氣費等同6折、Jamdoughnut 超市買野pump up cashback、英國銀行背景穩陣既高息定期戶口、以及英國界面好用既銀行app，全部一係幫大家慳錢，一係錢滾錢抗通漲，見到大家開心使用筆者都好開心。

岩岩幾日前聯儲局第二次話唔再加息，保持現有5.25-5.5%既息率，英國呢邊當然照跟，keep現有息率5.25厘息，呢種大環境下投資保值仲有乜野可以做? 筆者知道大家其實定期或者ISA一定有做，但其實一直搵緊坊間有無好d既活期戶口，始終有流動現金隨時捕捉市場機遇好過鎖死哂d資金郁唔到 。之前都已經同大家講過chase同monzo有4.1厘息都唔差，有間電子銀行叫kroo有4.35%，但偏偏google review同埋各方面用家評價都麻麻地筆者無申請，直至近排反而有另一發現又多一個選擇。

=============

究竟係咩戶口有筍野? 呢排筆者轉左唔少錢去ifast，主要因為佢英鎊戶口有成4.25%息，存款無上限去享受呢個息率，同其他銀行一樣，佢亦都有85000鎊存款保障，開戶唔使錢亦都無年費，然後最正個位係: 佢竟然可以好似citibank global wallet咁放埋美金、港紙同歐羅，仲要有息!

有息喎! 有息喎! 有息喎! 重要既野講3次 ! 話說筆者之前其實將美金放左上IB度收息，但就keep住有收到讀者問邊度放美金可以離岸之餘又收到活期息。大家都知IB係有門檻，亦都唔低，講緊起碼10萬美金以上先有佢個4.83%活期息，(頭1萬美金無息，即你預放11萬美金先有4.83%活期息...) 咁... 學阿嬌咁講，個個都想放10萬美金唔通個個都有10萬美金咩? iFast就講緊美金戶口無門檻就比你3.6%息，都幾筍! 之前都已經同Patreon讀者分享過，筆者有一個平衡既portfolio，有美金以及其他G7既貨幣，無論加息減息或升市跌市都可以將風險減到最低。

=============

iFast呢個account可以話係一個戶口做到哂我想做既野，有小小surprise係佢連港紙都有息! 咩事 講真，大家黎左uk，唔多唔少都仲會有港紙係香港銀行戶口，但講緊想收息，特別係活期息就有d難，全部可以收息既都基本上講緊定期，好d既息率講緊4.5-4.7%全部都講緊 “富貴戶口” 先有，即係1球以上，例如恒生優越理財、citibank既citigold同埋匯豐既卓越理財，citigold要1球半添!

iFast個港元戶口係有3.25%活期息，拍得住差唔多息率既講緊要創興同埋上海商業銀行既定期戶口，講緊3.05厘同3.58厘息，仲要放一個月先有，iFast完全吊打其他香港既銀行戶口。

---------------

拿… 無野係完美既，講完優點都講佢一樣要彈既野，就係佢既英國戶口未有debit card，要黎緊2024年第二季先至有，變左大家可以放錢係佢度收住息先，需要用既時候先射返去其他英國銀行戶口。

之前每次推介我都會check哂所有銀行背景，今次都唔例外，梗係要穩陣 + 搵到錢先得，筆者睇過iFast係base 新加玻，係上市公司市值超過100億英鎊，英國、香港同馬拉都有分部，又有85000鎊存款保障，係呢個高息環境下，unun腳一個戶口唔同貨幣都收到息當然最好不過~

黎緊過黎英國既香港朋友亦都可以利用iFast開左英國銀行戶口先，就算你唔係英國居民都可以用特區護照開到戶，勁方便同堅係比到你peace of mind!

#離岸戶口 #活期高息 #英鎊美金港紙歐羅玻紙都有息 #咁既時勢無理由仲放錢係香港卦? #走資 #ifast

老規矩: 有referral link，有興趣同筆者一齊坐係度飲杯茶舒服收息就可以一齊玩，3個月內存入500鎊仲有5鎊回贈比你~ (利申: 筆者都有5鎊收，一齊win-win)

大家申請左之後可以請朋友一齊玩同時賺5鎊，而家就可以用住筆者連結先https://www.ifastgb.com/tellafriend/kashingf4150

唔鐘意睇字既朋友~ 筆者整左條片

https://youtu.be/AqNlS0v6w6A