[#181 旅遊旺季又到? 你唱左錢未? 用咩戶口同card最方便最岩去旅行? ]

仲有一個月唔到就聖誕，相信大家已經密鑼緊鼓plan緊同honey或者小朋友去邊玩，甚至係已經買哂機票book哂酒店，筆者都唔例外，講真，你真係想成個冬天留係英倫硬食冰雪狂潮?

出得去玩自然要唱定錢，有得係當地禁埋錢就更好，其實筆者相信大家已經有呢個account，只不過近期真係多左讀者問我邊度唱錢同埋用咩卡好，就諗住係度分享下筆者一向以黎係點操作既。

====================

首先，用IB唱外匯係最抵，包括近期超抵既Yen，或者你要換鎊，都係IB贏哂，如果你仲係用緊匯豐或者銀行黎唱錢，筆者強烈建議你之後用返IB唱會好D，起碼慳幾百甚至係幾千既手續費或換滙費。好啦，問題黎啦，好多人都話IB好複雜，唔想用IB個平台因為驚禁錯制，有咩其他好既選擇?

[匯率唔差同Wise差唔多]

另一個比較好用而筆者都一直用緊既，就係Citibank個Citiplus戶口，開通埋global wallet戶口就可以有一張使用當地貨幣既debit card，一卡通行世界上好多地方，包括香港人熱門既旅遊地點，包括鄉下日本、泰國，佢可以用既貨幣亦包括歐羅同英鎊，歐遊可以用到，筆者初初黎未有英國銀行戶口，都係靠呢張debit card比住錢先，事緣戶口入面經已有我一早唱定既英鎊係度。

[3%簽帳回贈，千祈唔好睇小]

你可以IB唱完錢每個月免費一次用SWIFT射D外幣去Citibank既呢個global wallet戶口，或者用佢戶口直接用英鎊 / 港幣 換你去旅行既外匯，佢既匯率個人覺得唔太差，同Wise差唔多。然後到左當地消費，例如日本/泰國，就可以碌卡，慳返1.95%外幣交易手續費之餘，佢仲可以直接用你唱左錢既外匯戶口。

如果買大額野，戶口入面唔夠外匯，佢仲可以幫你按當時匯率比住錢先黎砸數，然後最正係乜? 呢排佢仲有個優惠去到年底12月31號，就係用佢debit card簽帳有3%回贈，買野即時97折，爽! (記得入個app度activate左promotion先)，假如你係日本趁yen平買隻撈，當10萬蚊港幣等值咁計，你已經有得回贈3000蚊港紙，夠食好多碗拉面同好多餐壽司。

[海外atm禁錢唔使手續費]

係英國出發去外地玩，有時唔想益外幣找換舖頭，佢呢個戶口仲可以海外citibank atm或者maestro 櫃員機提款，都係唔使手續費，變左你用個靚rate換左錢之餘，仲可以係atm度直接draw cash出黎，可以話非常方便，只係需要係個app度事先啓動「Citibank Global Wallet」同「海外自動櫃員機提款服務」就搞掂! 勁方便

之前筆者試過係歐洲、日本東京同泰國曼谷citibank既atm提過款(舊年既事黎)，都係唔使手續費。(但假如你係不知名銀行atm提款，但佢又唔係maestro，有機會你要比提款手續費，呢樣野要緊記。)

[申請有咩so?]

其實筆者知道大家都仲係keep住唔少香港信用卡，因為英國呢邊岩用又好用d既信用卡真係得AE，但簽帳優惠都真係唔夠香港既信用卡鬥，所以有時買野筆者傾向比較下邊張好d，如果多D回贈筆者有時會用返香港信用卡。(英國張AE卡已經幫筆者加爆左credit score，功成身退，如果大家有需要申請可以睇返youtube條片)

而家限時經留言條連結申請Citi Plus戶口，你會有5舊水港紙落袋，只需開戶之後3個月內經戶口轉帳一次就得。利申: 你申請成功筆者都會有5舊水港紙落袋的。

重點係你開完戶後，記得開通global wallet先會享受到上面玩外匯既個種方便以及提款唔使手續費既個種快感。

另外，筆者有用埋佢張Citi Premier Miles，以前主要儲里數換機票，而家就用埋佢d分黎換野，都唔差，平時用呢張卡book agoda酒店仲有得92折。

[講咁耐其實都係因為未出發先興奮]

筆者黎緊12月終於可以好好放下假，避下寒，到時諗住拍多d片比大家睇~

#citibank #globalwallet #debitcard #currency

● 買賣外幣，真正0%差價 ● 用Citi Global Wallet可以事前兌換外幣，海外旅行時，喺海外Citi 或Mastercard®網絡的自動櫃員機提取外幣現金，免收手續費！ ● 網上匯款到外國免收手續費 ● 無最低結餘要求 ● 即使已經持有Citi信用卡，都可以食到Citi Plus迎新！ ● 用Citibank Global Wallet簽賬，可以慳1.95%外幣交易手續費！ ● 以Citibank Global Wallet 作海外商戶簽賬或以外幣於網上購物，交易可享3%現金回贈!