[#184 假期都係錢? 英國打工有幾多日假叫多? Work life balance有幾重要?]

上一回就講左英國平均人工以及人工中位數，估唔到都幾大回響，不過英國呢邊好多生意仔都係收cash，特別係中式生意，所以要決定一個區d人係咪富庶，千祈唔好淨係睇數據，落區親身感受下先至會知。

話說講完人工就要講下假期，放假對打工仔黎講相當重要，邊個唔想自己份工多d假期? 根據英國法例，full-time打工仔可以享有28日法定假期，當中有8日係bank holidays，換言之，即係有20日假期可以比你自行調配。

人事及薪酬調查公司Cord訪問左395間公司，其中141間公司回應左既數據所得，唔計bank holidays既話，假期數量既中位數係25日。如果你間公司比足你26日既話，就代表緊坊間公司比緊夥計既平均假期數量。

如果你係有28日既話，恭喜你，已經比其餘75%既人高; 有33日既話就係top 5%，代表你多過哂95%人口既假期，又如果你有36.6日既話，不得了，講緊係最頂尖1%打工仔既福利。

No. of Holidays: (唔計bank holidays)

25 days - median

26 days - mean

28 days - top 25%

33 days - top 5%

36.6 days - top 1%

假期多與少，其實好睇你點睇。有d人返工其實好似玩緊過下日晨既，日日都係假期; 有d人返工認真到爆既，可能分分鐘未必想放假，歐美成日講work life balance，筆者既同事有時寧願放假都唔要錢，證明休息都好重要。

忙唔緊要，最緊要唔好有壓力，計筆者話做得開心先係最重要，舊年筆者學識既一樣野，係開心做一件事，力量係會加倍，亦都會凝聚更多相同磁場既人，令到你做野都開心d。

新一年都希望大家勁多假期，自製到假期，少勞多得。

#英國假期

#worklifebalance

#平均數

#中位數

#有比較先有進步