[#186 英國本地旅行最好揀連鎖酒店? 邊間連鎖酒店又正又靚? 識揀一定揀…?]

大家黎左英國之後一定有周圍探索下英倫既好山好水，去得遠d過得夜既都一定要搵間酒店或者airbnb或者朋友屋企借宿一宵。

前年筆者落伯明瀚同Warwick玩，初頭book左間普通野大概90鎊一晚，去到就知扔撻。入到酒店房，同一config底下發覺房價係英國黎講係貴d，都唔緊要，有d基本野好似酒店拖鞋、風筒、雪櫃或者間房應該要有既抽紙都欠奉，個次開始就知點解以前d鬼佬同事就算貴d都好出差點都要求holiday inn或者連鎖式酒店，因為一律基本野都會有之餘，去到唔使驚呢樣無個樣無。

前年既trip堅係令筆者印象難忘，自此都play safe搵連鎖酒店book，例如premier inn，早前同過其他讀者交流都覺得佢叫做比較standard，爭在無雪櫃咁解，其他野都齊。

---------------------------------------------

類似香港消委會既英國Which?最新就出左份題為 “英國最佳及最差連鎖酒店”既報告，訪問左5000個Which?會員，為英國28間大型連鎖酒店以及9 間小型連鎖酒店就10個分類項目評分。

整體評分黎講，當中提及premier inn原來已經叫做比較好，排第3! 行luxury小小再企理小小路線既hub by premier inn就排第2。大家估下第一係邊間? 就係IHG Group 既hotel Indigo，主要原因係d受訪者認為佢地既裝修正d，同埋酒店都係有歷史價值既建築黎改建，比較stylish。

咁最差係邊間?! 就係Britannia，得一星評分，早前筆者唔覺意見到網上youtube有d local拍埋片媽差間野，好好笑的，又話d床有血跡，梳化有食物之類，出門旅行想開心但又book呢間野既話，good luck! 要記住，佢雖然係最差，其實唔係特別平。

至於平時大家成日食既英國大家樂，原來都有經營酒店，排名第4，似乎都頗受受訪者歡迎，主要評價都係抵住之餘企理。至於Travelodge 同Mercure，筆者都有住過，覺得佢地都ok，但佢地既評分只係岩岩高過Britannia。

=============================

住得好唔好真係好影響一個旅程既體驗，不過歐洲同英國，筆者建議都係上網搵搵有質素既連鎖酒店好d，比貴小小可以避開好多伏。附圖比大家望下咁多間連鎖酒店係該10個分類項目評分，自然幫到你去揀下次旅程既酒店~ (見留言)