[#190 有無覺得周街越黎越多灰色車?]

係咪因為靚仔d? 英國天氣差灰色車可以做保護色? 定係灰色車容易d出廠噴料平d?

Telegraph做左個專題報導，數據顯示黑白灰色車，以及銀色車，佔左全球汽車8成左右。點解多d人揀灰色車原來係關大自然、心理野同關銀包事。

汽車大廠Volvo同Cupra都話石頭色更有個性，容易映射車行走時所經過既自然風貎。另外，黑同白成日比人一種尊貴既感覺，所以好多luxury model都係用呢兩隻色; 至於鮮色車通常都係跑車，或者入門細車岩後生仔，搞到越黎越多大廠都生產灰色車比家庭大眾去揀。仲有一樣最重磅因素，就係黑白灰色車，二手車價硬淨d，普通款較鮮色車高6-8%價位。

不過報導都有講，黑白灰銀色車，最易比人笠，原因係隻色太平常，同周遭環境融和一體，逃走同轉手都易d，賊仔唔太鐘意掂鮮色車 (fast and furious 除外)。

覺得灰色好悶? 報導話Techno Blue係黎緊既趨勢，應該會好d，起碼唔使周街灰色車咁，搞到你灰哂

#呢兩年勁多灰色車款

#雖然靚但成街係望落好悶