top of page
Search

[#197 英國稅局熱線休息半年 / 查詢稅務要講運氣?! ]

***一節更新***


可能比人不停媽差，稅局岩岩取消左有關暑假暫停熱線既決定


***一節更新***


稅局講到明引入暑假制度，希望d人減少打電話上去，有疑問既話用多d佢地既網上服務。4月8號去到9月29號為期6個月，交稅人士將不能夠打上稅局問野。


大家都知1月先係稅局 "旺季"，因為好多人都要file tax return，所以有好多野問，睇返數據，稅局夠膽死1月既時候有成1百萬個電話係miss左無答到。就算稅局聽到電話，打上去既人士都起碼等半粒鐘，點先? 係咪好正先? 想像下你交稅比佢，仲要你等，如果你交少左稅，佢仲要charge你


稅局表示黎緊暑假會有100個客戶服務人員實行3天工作週，以便佢地冬天既時候補返鐘 + 工作更長時間黎應對季節性增加既咨詢量，呢點大家要留意佢地既工作時間~


==============

等左咁耐，筆者終於可以同大家分享下報稅既經歷，大家千祈唔好驚訝。話說年頭file self assessment tax return，發覺稅局計錯左數，筆者曾經打過電話上去，就如文中所述起碼等左半粒鐘，打到上去，嘿嘿，唔知係咪因為接線生坐得太埋既關係，筆者唔太聽到自己個接線生講既野，反而聽到佢背後另一個講野勁大聲接線生把聲，變左我係完全聽到另一個人既稅務情況，係咪好搞笑?


然後由於稅局計錯左我PAYE既稅，當我查詢既時候，接線生話佢係無權力去處理我個case，因為牽涉PAYE部門，同時牽涉Self assessment return部門，佢既建議係跟從網上個系統交左稅先。但個情況係: 如果我跟既話，就會交多左稅，然後再要打上去或者填表格要求佢退返稅比我，筆者心諗，好似唔太對路，結果收左線之後，就經佢網上渠道去問，發覺佢網上系統查實快好多好多，大概10分鐘就有人覆，好過你坐係度聽25分鐘電話音樂乾等。


然後，開心既事係，唔知點解，呢個網上既職員，佢係有權限去幫我改個稅額，我乜都唔使要求，佢就幫我計返條數，然後叫我等信。結果，過兩日收到封信，發覺個額佢網上講時係講得岩，但實際計出黎印出黎又錯左。


最後，筆者再一次網上去搵稅局，皇天不負有心人，今次遇到呢個職員，筆者稱之為稅局經理級別人士，除左有權限做任何覆核既動作之外，佢仲計返岩條數仲要同我對一次，加上佢既速度係勁快，比以往任何職員都迅速有效率!!


============

結論:

-稅局職員參差，千祈唔好只係聽一個職員講既野。


-你要相信自己計既個條數，唔好比佢帶你遊花園 (前題係你自己計過，問過專業人士更好)。


-稅局職員話某d野唔係自己職權範圍力所能及，你可以請求稅局另一個同事去幫你，如果你運氣好遇到經理級人馬，恭喜你!


-呢篇野唔係想媽差英國稅局，而係想講稅局查詢都要講運氣，筆者三次體驗都好唔一樣，幸好最尾遇到好人幫我解決，否則會無端白事交多左稅。


聽完係咪覺得好有驚喜?




 
 
 

Comments

bottom of page