[#20 去完jobfair就有interview!? 趕時間關頭上天先黎比個小考驗我之搵到工下集?!] [同場加映點買metrolink車飛?]

上回講到有機會見工遲到，雖然預得勁鬆但點知都係遲左，心中都諗緊今次面試應該危危乎之際，入到間舖阿經理哥哥Adam又幾好人! 佢話曼城既metrolink成日都係咁，遲左小小好正常，叫我唔使放係心度。

咁其實就黎遲之前既20分鐘，我有預先send定message比佢解釋左情況，我諗如果你好有交帶佢就唔會介意，咁當然最好都係準時啦，費時叫人等呀麻，印象都好d。

如是者，我地就好輕鬆咁互相傾下計，然後佢就羅左份野出黎，開始準備寫低d野，而事後我覺得佢只係走下流程寫d野同上頭報告請左個人咁解。

佢既問題不外乎係一d做零售要面對既日常問題: 1. 你介紹下自己? 2. 你做乜想做呢份工? 3. 你之前做乜架? 4. 你覺得你點解勝任呢份工? 5. 講一次客人唔滿意既體驗，然後你係點處理件事? 6. 你之前d同事點形容你? 7. 你強項同弱項係乜? 8. 你有無咩問題想問?

由於我同佢吹水吹得好自然，仲搵d野講搞笑左一陣，基本上我地既談話內容摡括左問題1-4，係第五條問題佢先真係問出黎想知你係咪真係做過零售，睇下你會點處理，就算你真係無零售經驗，其實都無乜關係，表現得有自信同對答自然就okay。

然後佢就講左呢度人工係點計，間舖開廿四小時，基本上湊得客人開心就得，無乜複雜野，佢係一個幾lay back既manager，好似無乜架子，然後仲問我最快幾時返到工添。

見同佢傾得幾開心我就多口問左句舖頭仲要唔要人，佢就話佢呢間同鄰近既都仲請緊，我可以介紹，如果大家係有興趣體驗本地工作文化同賺d零用錢，不妨pm我。

話說其實一入到間舖，佢既同事都有d係有色人種，好熱情，如果我係個客都可能會想係度賭返兩手。間舖外面有人彈緊walter mitty入面首ground control to major tom，真係好好聽，我都忍唔住打賞左一鎊比佢!

回程既時候其實都係坐replacement bus，因條鐵路仲整緊，好驚訝呢度d人都已經習以為常，搭metro記得check左官方twitter先睇下有無咩突發事以免無車搭。

如果對係曼城買metrolink車飛有疑問，Click入下面條片了解下。

Recent Posts