[#200 服務頂尖卓越既曼城機場 meet and greet ]

復活節長假，好多人都飛返轉，獎勵下自己。英國出名的士 / uber 貴，自己渣車是常識吧?

筆者都會去旅行，早前曾經諗緊可否次次去機場都搭uber，但咁既話來回兩程的士講緊要130鎊、130鎊、你無睇錯係130鎊，唔係130蚊港紙，其實都幾肉赤。

早前睇一睇泊機場要幾錢，唔睇由自可，一睇... 咩事? meet and greet比較平，對比唔留匙泊車價錢上相差20-30鎊，本身都諗住去馬，但突然內心有個英國聲音: 你租樓中伏就係無睇google review... 你租樓中伏就係無睇google review... 你租樓中伏就係無睇google review... (詳情睇返留言Youtube條片)

故然之，上google review望一望，嘩，正呀，頂級卓越服務! meet and greet比左架車佢後小碰撞係家常便飯，問多兩句比人媽差，如果架車有咩事，直接唔show你，典型英式應變處理，你死你事。今次新聞既故事主人翁竟然有電話收! 不過係BMW打比佢

Andrew去芝加哥工幹，留低左部3萬鎊既BMW係曼城機場T1 meet and greet，幾日後BMW突然打比佢問佢有無事，搞到佢黑人問號?! 

查實佢架車有個app都顯示佢架車撞左，但佢就諗緊究竟係咪sensor唔小心觸發左，結果一直打比曼城機場無人聽。後來終於接通左，機場話佢知佢架車撞左，但乜細節都無比，直至佢飛返去，先知佢架車比機場班代駕友仔撞爛右邊車頭，同機場足足拆左幾個月保險結果被通知total lost。事件中，Andrew仲要一直追曼城機場個邊所有野，真係氣都咳。

所以筆者外遊乜都唔諗，直接揀唔留匙，真心，交低野比佢地，唔出事只係代表未咁快出事

#唔知倫敦機場如何

#希望呢度無苦主

#未出事只係代表未咁快出事

留言度睇睇架車撞成點?

有無人係相反，有美妙既meet and greet體驗? 歡迎留言~