[#208 唔講出口既英倫潛規則?! 你學識未? ]

英倫好多潛規矩，相信大家黎左一段時間，如果同英國人打交道，想必一定有兩三道殺手鐧傍身。Swift news隨手寫左十項，不如睇下你知幾多樣

1. 排隊 - 默默地排隊，如果打尖可能會比人噓

2. 飲茶解決一切問題 - would you like to have a cup of tea? 筆者無論同郵差傾計，左鄰右舍閒談，或者係黎屋企幫手做小工程既師傅，請佢地飲一杯茶，搞乜都萬事好商量。當然都要比錢啦

3. 任何情況都道歉左先 - 無論係你錯定人地錯，筆者諗緊呢個其實係咪變左local既生活習慣 ?

4. 談論天氣 - 搵唔到話題? 不妨講下天氣先，落雹、落雪、熱浪、寒寒地，都適合廢up一輪，自然就搵到話題

5. 講笑 / 自嘲文化 - 例如撞斷左隻手 / 隻腳打石膏，local興downplay件事，話只係擦損者引人笑令氣氛放鬆。筆者覺得呢招又幾好，成功拗到水吹

6. 任何情況避免面對面衝突，但會寫尖酸刻薄既投訴信 - 呢樣又好似幾真實

7. 尊重local話好好味既sunday roast - 可能有好多香港人都覺得係好普通既野

8. 會講笑黎取笑你同你其實仲friend - 筆者同d同事都係咁，得閒互相取笑下d無傷大雅既野，開開心心又一day

9. 如果local對你太客氣 / 太有禮貌，反而要小心d，可能有其他後續行動。

10. 請一班朋友飲野 - 唔可以就咁叫一round酒飲咁hea，要記得每個人鐘意飲乜 - 筆者諗緊呢個係咪有小小難度?

Recent Posts