[#216 轉機時間真係預鬆小小否則真係趕到甩碌?! 特別係歐洲機場!]

話說，岩岩term break 完大家應該都周圍遊埠，英國國內旅行唔使講，更多朋友都應該歐遊甚至去日本玩，爽yy。筆者都唔執輸，去左意大利陽光與海灘，德國轉機，諗住兩個鐘轉機時間實無死，點知就捉蟲了

點解咁講? 去個程機個登機口係法蘭克福機場最尾端40號閘口，仲要機場入面無快速扶手電梯，真係行到氣都咳，唔想氣咳可以科水坐佢既golf car，但因為第一次諗住試下，行行下先發覺唔對路  呢程都還好，有問題既係返黎個程......

-

-

-

咁旅程都叫玩得幾開心，返黎既時候突然收到alert話班機delay一小時，咁去到轉機機場理所當然遲左一個鐘，然後係慕尼黑機場堅係奔跑，你無聽錯，係極速奔跑 ，仲要過passport control，真係攞你命3000，然後又見到德國佬悠哉悠哉揼印仔，但原來i'm not alone。

因為後面有極大批人都大聲話佢地Late就黎趕唔切轉機，情況猶如喪屍，講緊得返20分鐘，仲要有某國人強行插隊話佢都好急  literally 堅係氣急敗壞咁款。

然後以為登機閘口係04應該好近，嘿嘿，少年你太年輕了，今次調返轉，01-04係最遠，當堂打個突，但幸好去到既時候見到閘口都勁大批人，最搞笑係登機都未開始，但講緊個起飛時間係得返5分鐘，大佬，好心你set delay咁大家咪唔使瘋狂奔跑.....

結論:

1. 比貴小小飛歐洲買直航無買錯

2. passport control真係好姿悠淡定

3. 對歐洲轉機無乜好感 (非第一次經驗)  德國就大家自己小心

4. 轉機時間預2.5-3.5小時較好，趕頭趕命真係破壞假期放假感覺

5. passport control 無工作人員可以安排比有小朋友家庭行快速通道 (亞洲轉機有)

6. 可能得芬蘭既helsinki機場先可以預小d轉機時間因為機場真係細到爆。

唔知大家有無難忘轉機體驗...

#轉機

#歐遊

#長路漫漫既感覺