top of page
Search

[#22 平好多喎之買車保要裝黑盒裝唔裝好? 住係唔好既區要點慳車保?! ]

睇左討論區好多師兄分享話裝黑盒 “下年保費通常都升唔會跌”、”你去到邊人地都知真心驚喎”、 “我裝過呀好慘架第二年比人唔知加左X%呀... 嗚嗚...”，都係唔好既體驗黎，到我真係買車保個時又真係心大心細，主要原因係裝左黑盒真心平好多，幾千蚊咁多，你知啦，英國幾千蚊買到好多野食，加上初黎貴境，點都想慳D，唔想使咁多係保險上面。


事實上，當我仲係bnb既時候，我就已經出左車買左車保了，我當時住個區係好區黎，但車保都講緊要1,100鎊 (利申: 國際牌買車保，3年NCD，唔知點解奇怪地aviva唔受保，我朋友住第二d區係ok，所以懷疑係我住個條街既問題)，迫於無耐地用compare the market得admiral叫做係一千鎊樓下，講緊870鎊，都一皮港紙，心諗粗粗地用住先，後黎搬左去salford，哈哈，恐佈既事情發生了，就咁quote係講緊2,000鎊，因為呢區堅係治安唔好，點解咁講呢，係因為近排識左其他國家係呢區住過既家長+返工既同事有人以前住salford，佢地異口同聲都話呢個區兩年前(covid前+brexit前)好多事，甚至半夜係成日有槍聲，問深一層就知原來都係毒品惹既禍。


咁我而家住呢度又係咪真係咁差? 自己同住緊salford既朋友(同一個屋苑) 又唔係好覺，至少係地下無發現銀色小樽仔或者聞到大麻味，你知啦，呢d野好易發現，而且我出面條街成日好多白人小朋友一齊玩(傳送門: 有白人小朋友懷疑我虐兒報左警 : https://lovfang.wixsite.com/ukmrpr/post/19-%E6%88%91%E5%80%8Bvisa%E8%A6%81%E6%94%B6%E7%9A%AE%E4%BA%86-%E6%88%91%E5%B7%AEd%E5%B0%B1%E8%A2%AB%E5%B7%AE%E4%BD%AC%E6%8B%89)，所以感覺上係幾好幾安全，加上隔離多左兩個new build區，都要有返咁上下錢先住到入黎呢度。


[慳車保大法?] 咁好啦，返返黎個車保，一quote閒閒地2,000鎊，咁我都唯有接受裝黑盒呢壇deal，上admiral一改個地址，就發覺原來我只係需要加多400鎊就可以了，即係原先 870+400 = 1270 (我知仍然係好拿利，但都無計，租約都簽埋，呢個價係裝黑盒) ，同本身就咁quote都要裝黑盒既價錢爭左730鎊，唔裝就更高，所以堅係慳唔少錢!


後來，我發現呢個方法，幫到部分其他group既師兄實測係慳到車保，具體點樣操作，上面已經講哂比大家知了，admiral又由頭到尾都係online policy同通知，無信寄地址又唔使地址證明，嘿嘿。


[裝黑盒頂唔順?] Ok，慳到錢，咁話哂架車都係自己愛駒，平時都好愛錫 (但聽講英國人只係當係代步工具)，有d咩接受唔到? 就係比個engineer拆骨裝個黑盒囉，真心，如果自己唔係現場睇，就應該覺得無乜野既 ，但現場睇睇到司機軚盤位隔離被人拆出黎，就好似心入面一舊肉比人拆出黎一樣 XD 你地睇下下面條片就知架啦


Engineer Stuart話其實suppose佢唔可以比我睇裝左係邊，但見同我吹水咁開心就比我睇咁話，佢仲推介佢渣緊既audi係最好既品牌，無乜野煩，但我不敢笱同 (條片對面個架audi wagon就係佢的， 如果AUDI個底盤並不如傳聞中咁廢成日要整既話…香港朋友渣audi時不時要整，講緊車齡4年以上)。Stuart仲同我講裝完之後你入admiral個app，就可以睇到自己既駕駛分數，如果差既話就當然有follow up甚至取消保單，但如果好既話下年就可以慳咁d車保費咁話。


咁我渣左架車都幾個月，平時都奉公守法好少超速，睇返個performance都係good，至於點解之前呈現 “poor”既狀態就不得而知 。


話時話，我都自己裝左車cam，有d車保裝左車cam係平d架，大家不妨留意下; 另外，如果你太太/女朋友有牌，都不妨加埋佢地個名，因為都係平d，英國好似話有個現象係覺得女性司機渣車係無咁reckless。


------

Admiral車保link如果你岩用: http://aklam.io/3oEbHP (你同我一齊回贈37.5鎊)


------





 
 
 

Comments

bottom of page