[#220 泊車條例修改?! ]

呢單野查實之前已經略略同各位讀者講過，結果今年10月1號開始所有新開既停車場都會跟新條例，而舊既停車場就有寬限期，要2026年底新例先會對呢類停車場生效，究竟違例泊車有乜改變?!

-司機將有10分鐘嘅寬限期，在此期間唔收取泊車費。

-車場需要設立清晰嘅標誌嚟幫助司機喺停車場導航，並知道佢哋喺邊度可以泊車以及邊度唔可以泊車。

-違例泊車罰款上限維持喺100鎊，如於14天內支付，則降至60鎊。

-新嘅上訴憲章，將為駕駛者幾時可以對泊車罰款提出上訴制定更明確嘅指引。

唔講唔知，舊年原來開出左1110萬張違例泊車罰單，總額成11億鎊，對比前年升左29%，堅係肥過肥仔水。

點解有呢條新例? 原因係太多人投訴車場無清晰指引，導致被罰，又或者遭遇不公平既對待，又或者投訴無門被迫交罰款。筆者都曾經比人罰過一次。

希望新指引未來會幫到大家。

Recent Posts