[#228 羅馬浴場]

正值暑假，好多鬼都攞左假，筆者唔少同事同客都鐘意呢個時候放假，貪佢日長之餘天氣非常好玩咩都岩哂。

英國國內旅行唔知大家有無去過Bath呢個地方，查實好多KOL都拍過片，當中最出名當然係保存得幾好既羅馬浴場，今日就想同大家講下羅馬浴場既故仔。

-----------------------

個個時代黎講，羅馬浴場係集社交同清潔於一體的工程奇跡。羅馬人會係浴池底部的火加熱水，熱空氣於是係浴場牆壁之間迴圈，令到水溫同室溫保持恆定。 羅馬浴場既水通常通過水道由水源輸送到浴場。

浴場排出既污水都有佢既用處。呢d污水通過管道排出，用於清潔浴場旁既公共廁所（latrinas）排污渠。

----------------------

對於羅馬人黎講，浴場係日常生活超重要既一部分。 佢地每日都會去，亦都會留幾粒鐘。 有錢d既羅馬人通常會帶埋奴隸，佢地會帶毛巾同飲品。 係浴場沖涼之前，佢地會做下gym，例如跑步、舉重以及摔跤等等既運動。操完之後，隔離既僕人會幫主人搽油，然後用木板或骨頭刮走d油，咁樣做可以去除大量污垢。 (筆者心諗: 唔痛架咩?!  有sm feel)

係羅馬浴場入面，身體清潔係用一種叫做strigilis的器具進行，主要去除身體上黏住既汗、沙同塵，然後係稱為 aleipterion 既區域潤滑身體。

羅馬浴場亦存在於各種宮殿或城堡內，羅馬人同樣稱之為「溫泉」（Thermae）。 浴場既設計係維特魯威 (Marcus Vitruvius Pollio) 既《建築十書》入面有大量提及，有興趣趣既讀者可以自行借閱研究下。

由於部分浴場有人偷雞，發生過類似妓女賣淫既事件，羅馬當局於是決定女性由朝早去到中午可以進入浴場，男性就可以晏晝進入浴場，但男女要一齊入就絕對禁止。筆者諗起日本既溫泉都係分時間比男女輪流享受，仲可以swap，make sure 你兩邊都會有時間用得到。

#你又去過未

#幾頂癮既浴場

#但唔能夠入去池入面嘆下因為水質問題